台灣歌仔簿─七字仔
從 善 改 惡 新 歌
| 本人新竹帶市內 為著勸善編歌材 內中部份廣大概 各位參考就兮知 句豆無廣 另項 我是姓林名秋男 做人兮曉愛想趁 家內事事都輕雙 以前那有做過錯 改惡從善事著無 不論輕重著去做 少年立志著提高 士農工商骨力去 自然家內著兮平 紅紅幼幼塊養飼 望子大漢奉承伊 這 善歌著希罕 專廣做人在世間 人有真肴真咸萬 俗語所廣為人難 世界情理都淺淺 幾年中間著變遷 兮得改惡來從善 一日無事小神仙 廣甲當今兮世界 鳥為食亡人為財 想真做人著海海 死從何去生何來 咱來出世無半項 返去雙手又空空 帶這世間那眠夢 死了江山讓別人 有 出世有家伙 兄弟無量起冤家 想真做人那人客 返去江山別人 做人不通想私偏 咱來世間無幾年 人那卜死目一爾 萬事免甲人相爭 心肝一人想一 海是上深天上高 富貴干苦免哀怨 莫非這是前世冤 仁義道德著愛守 想卜富貴難得求 世間難求財子壽 著來開化免憂愁 勸人不通暗心倖 舉頭三尺有神明 善惡到頭終有報 只等慢早不是無 做人著愛惜本份 一年苦計在於春 家和萬項都愛忍 這是為著顧家門 一家能得來和順 平生之計在於勤 父子和而家不困 兄弟和而家不分 世情是我看上透 奸雄兮人不通交 勸 朋友幼共老 春錢是命免人肴 世間富戶撻撻鄭 敢是肴人塊春錢 命呆看汝外肴變 肴人治塊撻壁邊 袂來出世命先註 有 土公甲岡夫 簡兮好額錢靴有 肴人著加做軍師 萬般是人兮命運 不是人肴錢著春 咸慢不煞免食困 有人春著歸億銀 這條情理來皆評 干苦富貴命生成 命呆看汝外肴炳 註著萬世袂超生 世情是我看上現 先勸老輩甲少年 看人富貴免欣善 人廣恨命莫怨天 天下兮人港千萬 領憑出世來世間 也有出世著免趁 有 度日都為難 世間兮人無塊比 恨咱當初落塗時 呆命干苦磨甲死 富貴差 甲駛兒 當今世界廣袂 富貴由命不由人 有人勸我我勸 咱來出世有領憑 命中八字有輕重 飛天卦角無彩工 有 咸慢無半項 公侯將相也是人 不是才情伊有泡 這是命中有爭差 那有開化免人教 平平雙手二枝腳 平平雙腳一雙手 富貴二字難得求 干苦兮人恰長壽 前世做來今世收 有子之人貧不遠 無子之人富不長 萬項不由人計算 全身都是命擔當 命中好呆免相箭 咱即干苦人有錢 求那平安無破病 人廣富貴由在天 好呆無塊通比評 自恨閻王無公平 干苦富貴三不等 有 居治有應宮 注生娘娘註好好 刀來削都袂無 未前註食先註餓 由在天地去伐落 莫非也是八字命 改勸世人大家听 有人出世富貴子 食老即落乞食營 一半也是命登帶 榮華富貴天推排 不信斟酌想看覓 著食到老即兮知 有 少年食袂老 非為作歹做過頭 敢無家伙那銅斗 卜了親像放水流 互相研究做參考 宰樣家庭即兮和 好兮家教怎樣作 只 著學不通無 無食到老不知影 勸 朋友弟共兄 干苦富貴自恨命 虎死留皮人留名 大家著學好家教 好呆關係岸手頭 理家不論井共老 心肝無歪就算肴 注生婆者無公平 代先註死即註生 人 尾鰍看不見 圓人兮扁扁兮圓 牛就快牽人奧料 無福趁錢居袂條 有通食穿好了了 萬般為著腹肚不 通卜食不珍動了 青春一世人 無大無小通映望 身苦病痛救人 人無千日兮勇壯 人講花無百日紅 骨力敢兮奉笑 卜食不趁真不通 做人得確著炳變 勤趁無論多少錢 有時身體那破病 即免龜人腳腿邊 家長主婦愛四正 示細開支著平行 那無必要免箱用 先算即開是正經 現時經濟呆時機 收入先算即開支 不通入手開味是 終久生活難維持 互相著來想哲底 箱過浪費不成家 敢開敢用兮拖債 終久生活起問題 勸 節省是實在 不通見錢著想開 借錢利息真利害 財產開了即兮知 開拔到尾了清楚 家境日日漸落薄 總廣利息甲咬倒 能曉卜算今袂鵝 勸人心肝著哲套 人無幾年通奔波 有通食用免煩惱 閻王注定實難逃 世情是我看上闊 有通食用免箱磨 富貴艱苦到死煞 平平過日敢有絕 一 有錢不甘用 有人袂趁用代先 儉乎別人諫公景 乎伊有錢真不明 有錢不用真不彩 無錢卜用上大玳 儉食忍寒可憐代 放乎子孫看活開 有 敢無真富戶 好額家伙講萬租 出門衫褲密密補 出世世間做錢奴 親像這 真可惜 食袂無飽穿無燒 有錢顛倒奉愛笑 儉食忍寒真不著 世間錢銀是好寶 免驚目弟奉看無 有錢使鬼能挨磨 亦通買人打 在人心肝塊豫算 有錢兮人恰限旋 欺貧重富百百 著留名聲人留傳 有人欺貧甲重富 世間無錢著恰輸 錦上添花人人有 雪中送岸世間無 貧在路邊無人認 富在深山有遠親 父子都是錢要緊 無錢目弟人看輕 淺淺理由來皆論 父子為錢都輕分 卜死著留破病本 免放箱多乎子孫 列位有榮听我講 袂須勸善听歸冬 父母恩情是真重 伊來生咱咱生人 謠言兮話勿亂听 卜听著皆打半城 佛公佛祖那有聖 掠去割舌即知驚 兮得過日好袂是 閑話箱多無了時 做天都袂訂人意 做人那兮做到圓 球球儉儉想春錢 凍凍霜霜年 年 日子那到一下死 子孫卜分由在伊 欺扶老者先不通 自誇廣伊相府房 靠伊大科閣好漢 草枝有時更倒人 法律箱識會變精 假空離緣搶人錢 做人不通箱肴變 袂做先尊地共天 (從善改惡新歌 上本 終) |
| 狗狗怪怪無路用 奸雄兮人亂神經 免亂頭腦來安靜 人著忠直心恰清 一生不是無福氣 花謝可比失運時 青春過了失意志 老面恰水不達錢 粗腳赤手省卜碟 寫字閣水打無疑 平素無人看兮起 到時出手趁大錢 本事兮人肴顧謙 廣咱才情犯人嫌 才高北斗人沾沾 串串不才嘴舌尖 腳倉相評恰勇鐵 手比銅柱恰大支 恰呆嗎著一項理 呆人袂凍 硬旗 各人著想乎恰到 不通非為做過頭 恰早家伙看透透 卜了田 煞水流 恰早金磚起大厝 專用大理石做廚 想卜開法無人有 到尾錢了那屎 當初錢有大空駛 查某看伊 大玳 做人那甲無腹內 衫褲臭 都不知 恰早自想好額人 自誇廣伊那金 錢了即知擔頭重 想卜鑽地尋無空 錢有看人看不起 塊好不知失運時 錢有自誇真福氣 到底失敗即知機 嗎有貧家出孝子 恰早靠伊那銀牛 情分那用錢做主 貧人煞著絕后嗣 者廣做人著海海 不通有錢扣著開 命運到者有至載 錢袂生腳閣再來 一生不通箱罔黨 財產開了捨祖宗 到時手續那是創 田 厝宅難得藏 人廣規矩來學好 勤趁不通想 錢那開了知想錯 反悔已經朗總無 恰早錢有全兄弟 門戶出入無論時 開錢那甲無宗旨 時到反悔就恰遲 討海兮曉近水邊 信佛那不 廟 那有好空做伊去 無者即卜來提錢 狗肉扶起無扶倒 家伙開了人看無 感情文題莫看錯 不通想卜做大哥 朋友那是愛卜交 薪水趁小難出頭 人情世事倍甲到 鼎灶著去寄人兜 有錢不是天頂仙 任汝所格袂自然 好額勢頭不通展 有禮有貌人廣賢 我卜交帶閣一項 是細不孝先不是 爸母為咱擔頭重 著敬父母即應當 父母生子世傳世 世情看透無幾 有子人講有後繼 即免落人嘴唇皮 無子亦是真苦疼 目 有看外多人 生著好子即有望 呆子多 無彩工 人廣好子不免多 呆子多 討連回 自己頭路無愛做 來飽去塊遊街 那甲好子免多 呆子萬牛相挨梯 莫非也是相欠債 害因老父磨老皮 父母飼子無論飯 望卜親像頭毛長 無疑呆子那孵卵 祖家設治監牢門 大家心肝那明籠 虧心暗倖先不通 政府掠著罪真重 著去監獄做犯人 勸人心肝著正道 奸雄絕對罪難逃 那是少年有做錯 改惡從善事就無 心肝那是有了解 頭听到尾 著知 世間錢銀人人愛 人廣有道即得財 在人心肝兮志氣 山是可改性難移 有 家內赤甲死 不義錢財無愛碟 一人一 兮形相 世間兮人有奸忠 甲因父母都無諒 乎伊兮好天不從 有 一生 忠義 富而無怨貧無欺 甘愿度苦過日子 艱苦永有出頭天 做人奸雄無路用 只世搶人後世還 善惡到頭有報應 遠在千里近目前 受風受雨被雪凍 到時花開白甲香 有錢虛花免映望 千苦出身兮成人 做好兮人有路用 恰好財庫帶雙廷 奸奸巧巧三不等 不免出門著乎爭 道德二字為根本 父子無情絕五倫 後日老來那失運 愛卜食飯艱苦吞 能做兄弟如手足 父母恩情想養育 做人有照爸媽約 日後即有好結局 勸 朋友著做好 世間暫時來 時刻那到念 倒 江山某子半項無 代先勸 老兄弟 那有三子共五兒 小漢應當著教示 長大成人由在伊 有 示大想無到 子兒亂來廣伊肴 飼大即乎子不孝 養育功勞放水流 子兒不通箱過愛 小漢乎伊亂亂來 別日長成即知害 乎伊不孝合英皆 做人示大著打韃 子兒不孝上食力 無彩心神用一札 飼子不孝上不達 得著好子是德倖 識父識母自然生 箱過束縛無路用 前世冤孽注明明 人那失敗無頭腦 心肝想甲亂抄抄 勸人都也免計教 莫非命運做對頭 做人咱著顧信用 心肝不通箱奸雄 錢那入手不免暢 君子失敗都平常 君子平常能失敗 免廣列位 也知 有兮塊開祖公屎 講話鼻空宣出來 塊開祖公家伙底 不是白手來成家 榮話也敢講靴多 庵滾不驚乎人叉 守己安份恰有盤 平素知足清心肝 做人那是無貧段 一生總袂受寒 句豆念了那有順 這歌合共上下本 社會參考卻無論 專是改勸正諸君 這歌改勸人做好 不是煽動 歪哥 內中句句無差錯 念了閣兮得人和 列位買去念看覓 句豆好呆著兮知 有來本人無腹內 竹林書局印出來 念歌改勸正朋友 專講事實好理由 改惡從善添福壽 後來子孫好尾鰍 人 志氣權 天 心肝知足有幾時 三頓會飽真歡喜 不通映望大趁錢 無煩無惱真清心 閑閑好詩提來吟 有時念歌酒來飲 歡歡喜喜到更深 食好食呆免憂愁 守己安份真自由 祖公財產有著守 不義錢財不通求 勸 少年著孝義 後擺兮得好子兒 一門三孝出孝子 萬古流傳註在書 做人勇壯第一好 五臟六腑愛調和 身軀有病竅竅倒 想卜享福食袂落 這歌改勸眾朋友 來做父子是冤仇 好呆子兒免瓊究 一旦無常萬事休 勸 父母著有孝 淫朋賭友不通交 有趁著緊娶家後 通送父母上山頭 做人子兒著孝順 報答養育兮深恩 那有趁錢著札準 娶某生子通傳孫 勸 父母著奉敬 十月懷胎大恩情 趁多趁小恰儉用 人廣家和萬事成 書那無學才袂好 到時卜寫半字無 字是不比工契做 筆寫字那大刀 強手心肝無好死 改惡從善亦袂遲 做好天地有保庇 乎伊出著好子兒 好額真珠甲鑽石 散凶破被甲袂燒 好呆都是漸時宿 那到西天用袂著 小人不要做為善 愛財心肝專想編 人死留名照古典 虎死留皮流萬年 好額有錢用兮 不如靜處好安身 如來風雨急緊緊 爭待世上看凡塵 積善之家必有慶 不善之家難超生 奉勸君子恰儉用 各家守法學正經 照歌論理來指示 萬無一失人知機 從善改惡到者止 竹林全印好歌詩 那愛看歌巨 廣 阮編歌詞念上通 不是無影 滲廣 句句實情無凸風 (從善改惡新歌 下本 終) |