問路相褒歌

念歌算是好代志　讀了那熟加識字　失頭咱那做完備　榮榮通好念歌詩
學念歌仔卻真好　不免甲人讀暗學　咱那失頭做清楚　歌仔提來念　　
念歌算是那廣話　說柯笑談恰笑科　歌仔句豆在人做　四句愛著恰兮齊
朋友大家塊說笑　有緣做堆兮得著　無通　真可惜　　上山看娘挽茶葉
皆治一個就出門　行到這塊生吩莊　路頭又閣行即遠　看娘挽茶在茶園
崎下看高未詳細　行瓦共娘罩挽茶　看娘一身好形體　莊中取娘頭一個
阮娘挽茶在茶山　阮緊念歌清心單　天光上山一直看　看君無來　心肝
巧神娘花生成物　手汗茶籠落茶園　開嘴緊共娘借問　這位地號省　莊
我娘一時開嘴應　過路郎君即巧神　路邊兮人大武陣　汝來問阮省何因
我君單身來出外　共娘借問無乾活　只塊並無人識我　共娘借問敢有絕
單身郎君出外行　說無所在娘不听　那無朋友相知影　必定倒位有親成
阮是單身出外哥　親成朋友半個無　談言借問某　嫂　這位號做省地號
汝卜問阮兮所在　我問兄哥倒位來　帶治外遠兮地界　這塊地號即不知
阮是回娘兮地號　小娘不說倒問哥　地號實實共娘報　回君所在免驚無
听君兮話心下酸　實情共君說　門　只條坑門無外遠　地號叫做百花園
娘有花園兮所在　我君今日即有來　娶君花園去看覓　不敢挽娘兮花栽
花名算來是地號　卜看花　全然無　卜是有花娘緊報　報君花園去　　
真知小娘汝有花　小娘有花敢不賣　也著用錢共娘買　不敢偷挽甲偷提
共君說無汝不信　等待水清魚著真　卜是有花娘緊緊　挽來送君真風神
那是無花無要緊　看娘生水真巧神　下的小娘來做陣　恰好扣著歸萬銀
廣甲娘水是無影　我娘多袂恰水兄　下得做堆痛命命　姻緣敢是天生成
姻緣那甲天注定　注得小娘來配兄　兮得做伙著相痛　別人兮話不通听
听君汝廣一句話　安年哈著我娘花　年己打算頂下歲　無相氣嫌來交倍
兮得做堆阮真愛　可惜娘厝君不知　兮得行到娘厝內　恰好三伯配英台
娘厝帶在這崙後　面前一條小坑溝　親兄那是未食罩　招君做陣來娘兜
路邊店仔人賣飯　賣甲　物都十全　我哥出外路頭遠　阮有買食即出門
那是有食都就好　我是驚兄汝敢無　野無咱來做陣倒　來去阮兜行　　
想卜甲娘去　厝　真驚娘厝有親夫　那問汝幾句　　　問我那來汝話有
生份人客問路頭　招伊做陣來咱兜　說伊到今未食罩　阮厝丈夫也茅茅
听娘汝廣真卜搭　只話說了足食加　實在人我都食飽　即行都袂幾步腳
阿君來到娘地號　實在禮數阮都無　我緊請兄煙鹿駝　伐落泡茶通請哥
初逢到者來　　　看娘禮數未箱無　乎汝請煙是真好　亦塊泡茶閣請哥
正手養水落茶古　倒手　扇悅烘爐　親兄來到娘地所　可惜春茶挽足粗
看娘禮數用足重　足肴　代君一人　無營通去創別項　不免泡茶即刁工
來到娘兜無禮數　今年種茶挽粗粗　泡了也無省味素　乎君食了未對都
來到娘兜肴款代　去到君厝娘就知　有煎多少就秤彩　君無禮數通　排
阿君汝真肴廣話　阮娘含慢無嘴花　兮得甲君汝做火　可比雲開見著月
茶罐閣是江西磁　五塊茶甌做一堆　共娘接來食幾嘴　听娘兮話心頭開
听君汝廣這條代　郎君今日初即來　阮　亦無在厝內　廣話咱免驚人知
茶今共娘食了後　提錢共娘塊茶甌　者阮也未識到　　可惜生份兮莊頭
叫君茶甌不免塊　我娘一甌粗俗茶　初逢即來阮只塊　禮數不免用即加
到位乎娘成　代　多少著收即應該　算是生份兮地界　者我都不識來　
阮　今日無在厝　汝來那準我丈夫　咱來即坐廣幾句　兮得做堆無定有
看娘力我金金看　我緊落魁共娘爛　出外娘無伴　放　小娘守孤單　　
阮　出外去別塊　厝內孤單娘一個　生我查某恰須世　無塊倩人來炒茶
野無我來乎汝倩　驚了失頭做未營　一日咱著炒幾鼎　汝來先廣乎我听
听君汝塊對我說　第一根札汝一個　茶葉咱挽無外多　茶工干乾我一個
娘汝得廣挽小小　炒茶我閣真驚燒　卜弄茶葉驚人笑　禿茶又未過腳腰
听君塊共我說起　勸君安心免掛疑　咱娘全部創機器　炒茶用這發動機
娘汝機器張好好　茶葉未落加治　　有張笞仔也兮卓　不免用手來塊梭
機器茶鼎足成好　茶葉硬硬加不落　一個振動那連寶　念邊炒甲軟　　
那甲安年乎汝倩　未箱干若不免驚　我君都是出外子　失頭驚了故未營
春茶挽了挽夏茶　連連挽到八九月　君卜共我做空契　干乾汝我咱二個
秋茶挽了挽冬片　五六月日做相連　想卜共娘汝提錢　叫娘賬簿提來軒
阮娘　緊提賬簿　緊共阿君汝明呼　一鼎皆算二十五　照算　好萬八圓
　好七百二十鼎　是君上界擔須營　力共娘汝打　　　卜廣列位大家驚
阿君失頭成肴做　安年哈著阮娘花　阮都不敢嫌汝袂　那卜用錢即來提
听娘汝廣是有影　工錢廣卜算乎兄　人我都是　子　　工作卜來做名聲
汝有　力罩相共　無煞共阮作長工　茶那挽了做別項　厝內都無查埔人
听娘汝塊對我說　長工失頭做省個　認真共　做空契　工錢不著算恰加
阮者頭前有允田　可惜箱瓦近山間　縛人作了未省趁　嫌阮租皆算箱按
汝那卜叫我作田　落種我是真含慢　驚　作了未出產　著算四季兮時間
春夏秋冬娘能算　冬止過了著也秧　作失乎汝去打算　落種時間我擔當
听娘汝廣這句話　我君伐落緊　犁　田邊草仔發即多　不著代先打粗胚
親兄犁田足兮做　兮曉代先打粗胚　二變卜犁恰到底　著用手落提草梳
粗重空契愛食飽　播田閣倩司父腳　播田司父真奧覓　卜倩著緊去調查
那是卜倩司父工　著緊坐車落下港　總是望兄罩相共　作陣來去通叫工
工著下日即來叫　代志廣即下巢著　這漸到者來皆宿　編歌在人兮計謀
下集煞落買物件　亦有特別恰好听　內山查某不知影　朝來台北四繪行
維新物件廣未曉　不通宋甲袂曉彫　野有特別閣巧妙　實在有影無校梢
只本歌仔者叉尾　近來新歌出真多　竹林印刷兼發賣　遠方注文請寫批
(終)