h.gif (2826 bytes)
h1.gif (1979 bytes)

台灣歌仔簿─七字仔


新開天闢地歌

【新開天闢地歌 上本】

【新開天闢地歌 下本】


【新開天闢地歌 上本】

早前開天是盤古 仙帶天頂第一蘇 扣甲歸套即落簿 卜來通知朋友哥
廣起地下甲天頂 只款袂有人發明 也無校梢湳使炳 卜講盤古兮體形
盤古嘴闊有千里 高有萬丈煞通知 生三箇頭著是伊 手骨又閣生六枝
開天闢地即新編 句豆扣了有相連 今卜先講恰淺現 就是蛤汝說連蟬
子牙下山塊看命 出手去掠琵琶精 我來先問汝一件 天公號做省乜名
三國桃園三結義 九伐中原是姜維 那問天公我講起 伊是姓張名叫儀
女人為帝武則天 丁山小妹薛金蓮 張儀殿前省乜匾 汝著煞共我談言
三蕊目啁是楊戩 去鬧地府猿齊天 有掛靈霄兮寶殿 報乎汝听我無踐
公豹去撻北海喀 三頭六臂是哪叱 靈霄寶殿省人寫 報乎我听即兮知
曹操兮子名曹丕 子龍東吳領令旗 靈宵寶殿四大字 來寫就是王羲芝
王剪入去五雷內 薛剛好漢打擂台 日頭共汝先問覓 號做省名汝敢知
三霄去排黃河陣 紂王無道火繞身 塊問日頭我報  古書塊廣名顏真
紂王無道去行香 題詩去罵女媧娘 日頭牌匾寫宰樣 報乎我听免頓張
三國孔明小神仙 註死去抵著魏延 日頭有掛生死殿 報乎汝听合皆然
文廣去打十八洞 打開洞車建大功 月叫省名汝煞講 報乎我所也無防
狄青去取真珠旗 龐洪用計卜害伊 月娘兮名叫童味 只號亦有上古書
仁貴去征摩天嶺 一半歡喜一半驚 月娘牌匾掛正正 省乜字號報我听
三國呂布第一勇 去救阿斗趙子龍 汝問無講卻無用 月掛牌匾廣寒宮
昭君和蕃跳落海 身屍流返中原來 我卜閣問汝一擺 仙桃省人提來栽
丁山二某陳金定 薛剛酒醉鬧花燈 仙桃金童玉女種 我都緊共汝挑明
梨花殺夫名楊范 仁貴死在白虎關 項項汝都真貫串 問汝仙桃有外高
姜女尋夫范杞郎 一庄尋了過一庄 仙桃抵好十八丈 實在有影無恰長
吳猛有孝去飼蚊 孝子抵好四八人 閣再共汝問一項 問汝仙桃外大欉
雷公人身又雞嘴 孫殯盡忠入五雷 只欉仙桃亦真水 抵好八仙牽手圍
一虎本等肴鑽地 秦漢伊亦真肴飛 閣共汝問恰透底 未知仙桃有幾鍋
蘇秦是塊假不弟 吳漢盡忠殺死妻 七十二鍋生恰下 頂頭三十過六鍋
丁蘭有孝做一時 伊母著驚跳落池 仙桃開花即結子 生有幾粒來朝枝
仙桃開花我廣起 十月廿六子丑時 三十六粒有在字 我緊共汝來通知
姓李世民設做醮 來設做醮上介著 我塊閣問汝底細 問汝仙桃有幾葉
李旦大某名鳳嬌 鼠精走去鬧宋朝 報乎汝听著兮曉 三十八葉無校稍
蔡順有孝去採桑 兮曉有孝恰有長 我卜閣再共汝問 未知省把南天門
鄭倫鼻空噴白煙 陳奇嘴內吐青煙 報乎汝听卻利便 去把南門猿齊天
周公伊兮運仙夢 夢解傳乎世間人 南車有報我知棕 未知省人去把東
張奎因某真本等 伊名叫做高鸞英 去把東門是李靖 哪叱因爹把東平
丁山奉命去征西 薛葵好漢戰平齊 北門未知省人把 我卜再問倒一都
寶生毛甲發角  目啁親像鸚仔目 關聖帝君塊把北 我無甲 烏白六公
豹掠去撻北海  通天教主伊亦來 閣再問汝一層代 未知省人去把西
去篡漢朝是王莽 王莽登殿塊為王 汝那有問我有講 去把西門上帝公
齊天去打火孩兒 孩兒吐火來燒伊 去把中央著廣起 報乎汝听就知機
關公字號叫雲長 鼓陳三聲斬蔡陽 三目楊 是天將 楊 伊去把中央
代先問天今問地 是卜閣問汝一  恰早省人簡即兮 兮曉庚布來設紗
八百二歲是彭祖 一人三姓張趙胡 九天玄女設庚布 我共汝廣無何途
文王九十九 子 武吉扣柴入樹林 今日是我恰大膽 問汝省人來設衫
丁山失 射死爸 長毛大戰鐵公雞 設衫奉穿是黃帝 亦無紐仔那袈裟
崇禎落難吊柳樹 江山一時各水流 未知省設參仔紐 亦著共我說因由
哪叱七歲去做神 腳踏火輪追父親 我廣兮話 著信 來設紐仔是瑞人
孔明用計獻空城 伊 計智通人驚 未知省人設庵嶺 汝著再報乎我听
托拐身穿破衫褲 亦敢喜弄何仙姑 我廣烏紅有定步 來設庵嶺是女媧
一女九夫范丹妻 忘恩背義伯里蝦 我是卜問汝真多 未知省人設柴梳
太公失運手 釣 愿食成鉤即兮著 屎是甲汝塊說笑 來設柴梳李仔腰
蒙正失運做乞食 出身即做狀元爺 我閣問汝隨項摘 未知省人來設靴
太祖猿拳趙匡胤 哪叱東海抽龍筋 代先設靴是孫殯 汝著詳細听恰真
白蛇崁落雷峰塔 忠報國姜子牙  項 汝都學真飽 未知省言設縛腳
第一有孝是專慈 卜刺王寮進鱷魚 來設縛腳是 妃 我共汝廣實無虛
海潮去排誅仙項 孫殯去破請劉邦 問汝一項過一項 查某省設梳頭鬃
楊前一隻哮天狗 余元被咬血那流 省設梳頭我開口 就是女渦設梳頭
六婿斬子楊宗保 文王拖車渭水河 未知省人設椅棹 亦著共我說下落
第五諸侯是王空 曹操小弟名曹洪 汝來問我只二項 來設椅棹是楊江
周瑜孔明皆氣死 蔡幹東吳去盜書 我閣共汝問哲底 未知省人設胭脂
文官武面是包丞 乾隆無子扣柳金 報乎汝听無要緊 來設胭脂觀世音
五婿剃頭做口尚 去打花鼓孫二娘 未知省人設蚊帳 報乎我听不通張
王裒有孝去哭墓 因母在生驚雷公 那甲汝問我閣廣 來設蚊罩秦始王
仁貴去做火頭軍 一時追趕 蘇文 未知省人來設粉 說乎我听恰斯文
非僧算是野和尚 專掠查某塊行香 汝有塊問只號樣 代先設粉黃五娘
羅通掛帥去掃北 蘇羅宮主加伊縛 不是甲汝塊打答 未知省人設屎學
第一諸侯袁公路 張松即去獻地圖 就是黃賢設便所 報乎汝听著對都
移山倒海樊梨花 漢朝高祖斬白蛇 未知省人設籃拔 報乎我听勿拖沙
第五八仙韓湘子 手舉品仔身騎牛 說乎 听好意賜 來設籃拔濟公師
昭君出賽聲響喨 馬超兮兵反四涼 早前省人設走唱 亦設法師獅公鈴
誤入石陣是陸遜 龐統去獻連環船 來設法師兮時拵 著是三教李老君
余元頭殼九十九 紂王大子名殷郊 未知省人設鼎灶 報乎我听不通留
六出祈山拖老命 劉備托孤白帝城 七寶先君來設鼎 亦設磚瓦報 听
丁山大某竇仙童 第三梨花生薛剛 省設碗盤汝煞廣 報乎我听亦無妨
七箇先君設七項 來設抵好七箇人 有設碗盤缸曇重 亦設打錫甲打銅
咬金三年做皇帝 伊無愛做換別箇 我共汝問恰詳細 省人設牛來拖犁
西天取經陳三藏 甲伊做陣孫悟空 設牛犁田界套棟 來設就是地藏王
李廣大鬧三門街 賓寶看命甲沾鞋 我共汝問恰哲底 省設木匠來鑿犁
仁貴 箭卜射雁 射死伊子薛丁山 此人算也袂含慢 來設木匠是魯班
女人和蕃王昭君 身騎白馬霞戰裙 乎我問甲無宿困 不知省人來設船
羅仁歸天為羅通 一條性命煞滅亡 那甲汝問我緊講 來設船仔魯班公
狄青比武王天化 包公假鬼審郭槐 汝著實在來報我 不知省人設船大
托塔天王是好寶 行孫盜牽五雲陀 報乎汝听嗎是好 來設船大魯班婆
陸遜 入石頭陣 跳落古井微夫人 問汝只項恰要緊 省設廳頭服 神鴻
鈞老祖分三教  師父老君第一肴 那甲汝問我開口 大舜即來設廳頭
曹操愛將名許楮 三國華陀是神醫 我今卜閣來問汝 不知省人設 豬
武松為兄去殺嫂 亦是為著伊大哥 那是有問我有報 來設 豬是華陀
鴻鈞二徒名元始 燃燈西方去釣棋 不知省人設手指 拜托汝共我通知
順孝好漢去打虎 永成假仙背 蘆 來設手指是商閣 報乎汝听無何途
能出聖嘴是盧遠 去進瓜 名劉全 我閣來問汝一  不知省人設手環
聞仲三目黃金面 後封雷祖伊本身 那問手環我報  來設手環孫真人
屈原 忠去投江 奸臣來害伊一人 不知省人來設網 亦著共我報對同
第二虎將是張飛 子龍打出萬重圍 來設網仔是海瑞 我著共汝報定歸
女人掛帥木桂英 比評查埔恰才情 我著共汝問伊是 不知省人設神明
魏徵天廷做監斬 觀音身居普陀岩 甲汝廣話無 滲 來設神明是普庵
(新開天闢地歌 上本 終)

【新開天闢地歌 下本】

第二八仙呂洞賓 身背寶劍騎麒麟 省設做忌我問恁 亦著共我報恰真
紂王無道選妲己 娶入朝中變孤狸 大舜伊來設做忌 我共汝廣實無虛
薛剛釘入因車內 吳祈馬贊救出來 我卜閣共汝問覓 來設做巡汝敢知
子牙學法上崑崙 去拜師父李老君 亦著共汝報憑準 丁蘭即來設做巡
李五犯罪打死叔 遊府食縣李太白 省人來設做功德 答因父母親骨或
三進碧虛廣成子 老君出陣身騎牛 卜問功德兮意賜 來設著是張天師
碧眼金蟬是石鑄 去盜玉馬好工夫 不知省設糊靈厝 汝著共我報言詞
玉帘女兒張世真 下山來配凡間人 那問靈厝我報恁 來設就是李世民
第三八仙手舉扇 身騎寶馬漢鍾離 省設沐浴煞廣起 著報不通箱延遲
第四八仙藍采和 手扞花籃騎白鶴 目蓮設洗因老母 報乎汝听著下落
第一八仙是騎虎 手夯拐仔背葫蘆 死人省設穿衫褲 著報我听勿含湖
第七八仙何仙姑 手夯一枝掃月娥 就是瑞人設衫褲 報乎汝听就對都
托塔天王是李靖 六匣拜死趙光明 我共汝問恰齊整 不知省人設封釘
金姑自 險 死 太白神仙來救伊 省設封釘我廣起 來設就是郭子儀
第八八仙是劉海 手舉佛藤騎金獅 我閣共汝問看覓 死人是省來設抬
韓信設景放風吹 有里單刀平西螺 設抬死人掌教會 那甲有問我有回
第六八仙曹國舅 身騎交龍魚尾鰍 不知省人設燒酒 亦著共我說因由
燃燈身居元角洞 後來歸佛到西方 那問燒酒我緊廣 來設燒酒是杜空
鳳嬌本是配李旦 劉同酒醉賣江山 問汝省人恰咸慢 不知省人設開田
子路因為家內貧 走去楚國尋皆親 來設開田是孫殯 汝著斟酌听乎真
邱成怨號金眼調 工夫人棟伊袂條 元早省人設算賬 報乎我听勿校梢
楊廣剎父篡帝位 不驚天頂起五雷 來設算盤是隸首 汝著听我說因由
金全只人上驚某 劉永牽手各金姑 問汝一層兮大顧 省設神主甲香爐
漢卿孝子進金魚 郭華誠心買胭脂 丁蘭伊來設神主 驚死因母答恩義
哪化邦尋因師父 太乙哪叱兮老師 恰早省人設瓦厝 報乎我听勿虛詞
廣法天尊雲霞洞 金叱是伊兮道童 先設草厝咱勿廣 來設瓦厝魯班公
老來有孝假搬戲 因為食老無妻兒 不知省人來設字 汝著共我緊通知
有上古書無相設 真好工夫伍靈杰 代先設字是倉頡 名字恰久都袂滅
王氏寶釧結彩樓 寶釧繡球親手拋 愛卜共 說透  做紙省人設起頭
王剪義子名王噴 哪叱七歲無靈魂 我是共 報憑準 來設做紙是蔡倫
招甲伊邦賣燒酒 乾隆下南遊蘇州 不知省人設大壽 亦著共我說因由
孔明氣死周公瑾 東吳都督是曹真 那問我就閣報  來設大壽李世民
故事不配 地號 換配地號恰對都 朋友大家听乎好 台灣地頭配甲無
全配臺灣兮地界 空仔空客廣出來 一疑原是配古代 有听兮人通巢知
火號過了白米甕 對面就是仙洞空 我閣來問汝一項 設轎未知省 人
鼻頭恰來南仔面 羅東閣去名廣興 那甲有問我報  來設大轎李世民
基隆對坐獅球嶺 獅球嶺腳陸軍營 八卦米胎兮條件 省人先設報我听
社寮對坐桶盤寺 大屯山尾向天池 來設著是桃花女 我共汝廣是差移
鶯哥對坐來葉嘴 北投山腳人燒磁 新娘 燈有一對 不知省設兮是非
新竹對佳是竹東 溫泉出在井上山 世民來設 項是 亦無爭差甲半糸
竹崎出來鹿麻產 火車行透阿里山 問汝一項恰希罕 省設五谷這大層
三豹入去是石底 貢寮恰來頂雙溪 來設五谷是先帝 傳來飼人申飼雞
乾溝有兮頂下滿 二段反水烏龍鞍 我都塊共汝問看 省設棕 乎人拌
大砂去守宣爐瑞 定石 路行袂威 報乎汝听恰緊嘴 楊澤伊來設棕
觀音對坐是大屯 大屯瓦治七星墩 省設羅經做憑準 我都卜共汝回文
台北一間天主教 教堂後面江山樓 那問羅經我開口 是黃求賓設起頭
北港媽祖第一聖 三月廿三通有迎 前早省人設磨鏡 汝著恰緊說我听
士林廣是八前藍 地頭早 號到今 我無甲汝烏白  來設磨鏡是陳三
水錦開花白   路竹開花成竿芒 不知省人設屎桶 說乎我听廣對同
艋 有設蕃薯市 十分寮 有山豬 來設屎桶桃花女 我著共汝說透枝
高雄地名前打狗 萬華落來板橋頭 死人是省來設哭 說乎我听即有肴
路邊草仔一枝前 頭鬃抹油光然  說乎汝听無相片 說哭死人是童先
山蒜開花五色紅 冬瓜切斷古錢  我閣來問汝一項 腳尾兮飯省設捧
乾溝行 火燒樟 三層嶺頂是大洋 設腳尾飯只 樣 來設就是張十娘
員山恰來大龍峒 土城瓦治大墓公 省設  著煞廣 知汝腹內真靈通
天頂陳雷地下響 玻璃滴水兮珍冬 尊者來設我緊唱 目蓮救母袂回陽
尖山起來鶯哥石 石 一板兮活橋 我閣問汝恰巢著 腳尾兮錢省設燒
青潭反水油車坑 十三崑崙九層坪 汝愛著听恰入耳 十娘設燒腳尾錢
龍眼好食又烏只 皮仔粗粗成荔枝 省設叫魂煞廣起 說乎我听莫延遲
馬梭過來大武崙 淡水對坐八里分 我著共汝報憑準 女媧即來設叫魂
芥菜開花黃岩岩 羅經鏡內一枝針 一鏨問了過一鏨 省設竹掃歸枝淡
桃花女設青竹掃 一塊豬肉吊竹頭 只疑法度想兮到 周公止娶去因兜
打狗現在改高雄 烏日起來是台中 問汝一項恰對重 省設綿被通參詳
土庫恰來是虎尾 斗六閣去到西螺 九天玄女設綿被 汝著靜靜听我回
草嶺過東大里眼 三結街名換宜蘭 問汝一項恰希罕 省人設鞋廣只番
二結過去是羅東 車頭身邊塊燒磺 那申汝問我著廣 設乾埔鞋招財王
崙背閣去是麥寮 後龍閣來是通霄 乎我問甲袂凍了 省放人種勿校稍
民雄落去到嘉義 新港恰來海仔坡 省放人種我廣起 來傳不足甲有餘
不足有餘傳人種 世間嗎即有人丁 廣甲箱多無路用 只本歌仔到者停
開天闢地到者止 共恁諸君來通知 恁那看了有趣味 即來竹林買歌詩
(新開天闢地歌 下本 終)