h.gif (2826 bytes)
h1.gif (1979 bytes)

台灣歌仔簿─七字仔


勸 世 了 解 新 歌

句豆好歹免相片 卜好本地歌仔先 兮編袂編看現現 小弟不敢共 典
只款歌仔真希罕 專廣做人在世間 人有真肴真咸萬 俗語所廣為人難
世界情理都淺淺 幾年中間著變遷 能得改惡來從善 一日無事小神仙
廣甲當今兮世界 鳥為食亡人為財 想真做人著海海 死從何去生何來
咱來出世無半項 返去雙手又空空 帶這世間那眠夢 死了江山讓別人
有 出世有家伙 兄弟無量起冤家 想著做人那人客 返去江山別人 
做人不通想編私 帶只世間無幾年 人那卜死目一爾 萬事免甲人相爭
心肝一人想一款 海是上深天上高 富貴干若免怨嘆 莫非這是前世冤
世情是我看上透 奸雄 人不通交 勸 朋友井共老 春錢是命免人肴
世間富戶撻撻鄭 敢是肴人塊春錢 命呆看汝外肴變 肴人著塊撻壁邊
未來出世命先註 有 土公甲罔夫 簡兮好額錢靴有 肴人著皆做軍師
百般是人 命運 不是人肴錢著春 咸萬不煞免食睏 有 春著講萬銀
一條情理來皆評 干苦富貴命生成 命呆看汝外肴炳 定著萬世不超生
世情是我看上現 先勸老輩後少年 看人富貴免欣善 人廣恨命莫怨天
天下 人講千萬 領憑出世在世間 也有出世著免趁 有 度日都為難
世間 人無塊比 恨咱當初落塗時 呆命干若磨甲死 富貴差嫻甲使兒
當今世界廣袂  富貴由命不由人 有人勸我我勸  咱來出世有領憑
不是才情伊有泡 這是命中有爭差 那有開化免人教 平平雙手一雙腳
平平雙腳一雙手 富貴二字難得求 干苦兮人恰長壽 前世做來今世收
命中好呆免相箭 咱即干苦人有錢 求那平家無破病 人廣富貴由在天
好呆無塊通比評 自恨閻王無公平 干苦富貴三不等 有人著居聖媽宮
注生娘娘注好好 刀來割都袂無  未曾注食先注餓 由在天地去伐落
莫非也是八字命 改勸世人大家听 有人出世富貴子 食老即落乞食營
一半也是命登帶 榮華富貴天推排 不信斟酌想看覓 著食到老即兮知
有 少年食袂老 非為作呆做過頭 敢無家伙那重斗 卜了親像放水流
無食到老不知影 勸 朋友弟共兄 干苦富貴自恨命 虎死留皮人留名
注生婆姐無公平 代先注死即注生 人兮尾鰍看不見 圓人兮扁扁兮圓
牛就快牽人奧料 無福趁錢居袂條 有通食穿好了了 萬般為著腹肚 
不通卜食不珍動 誤了青春一世人 無大無小通鞅望 身苦病痛走無空
人無千日兮勇壯 人廣花無百日紅 骨力敢兮奉笑  卜食不趁真不通
做人得確著炳變 勤趁無論小可錢 有通食用免煩惱 閻王注定命難逃
世情是我上看破 有通食穿免箱磨 富貴干苦到死煞 平平過日敢有絕
一款有錢不甘用 有 未趁用代先 儉乎別人諫光景 乎伊有錢真不明
有錢不用真無彩 無想卜用上大玳 儉食忍寒可憐代 放乎子孫看活開
有 敢無大富戶 好額家伙講萬租 出門衫褲密密補 出世世間做錢奴
親像只款真可惜 食 無飽穿無燒 有錢顛傾奉愛笑 儉食忍寒真不著
世間錢銀是好寶 免驚目地奉看無 有錢使鬼兮挨磨 逞好買人打  
在人心肝塊豫算 有錢 人恰寒宣 欺貧重富百百款 流這名聲奉流傳
有人欺貧甲重富 世間無錢著恰輸 錦上添花人人有 雪中送炭世間無
貧在路邊無人認 富在深山有遠親 父子都是錢要緊 無錢目地人看輕
淺淺理由來皆論 父子為錢都輕分 卜死著留破病本 免放箱多乎子孫
列位有榮听我講 袂輸勸善听三冬 父母恩情是真重 伊來生咱咱生人
父母生子世傳世 世情看透無幾  有子人廣有後下 即免落人嘴唇皮
無子都也免若疼 目啁我看外多人 生著好子即有望 呆子多 無彩工
人廣好子不用多 呆子多 討連  干己頭路無愛做 來飽去塊遊街 
那甲好子免多  呆子萬牛相挨梯 莫非也是相欠債 害因父母磨老皮
父母飼子無論飯 望止親像頭毛長 無宜呆子那孵卵 祖家設著大南門
大家心肝那明籠 開心暗倖先不通 政府掠著罪真重 著去監獄做犯人
做人心肝著正道 奸雄二字不通學 那是少年有做錯 改惡從善事就無
心肝那是有了改 頭听到尾著兮知 世間名利人人愛 人廣有道即得財
在人心肝兮志氣 山間做人有奸忠 甲因父母都無諒 乎伊兮好天不容
有 一生盡忠義 富而無怨貧無欺 甘愿度苦過日子 干苦永有出頭天
做人奸詐無路用 一世搶人後世還 善惡到來有報應 遠著千里近目前
道德二字為根本 父子無情絕五倫 後日老來那失運 看活食飯干苦吞
能做兄弟如手足 父母恩情親骨肉 做人有照父母約 日後即有好結局
勸 朋友著做好 世間暫時來   時刻那到念 倒 江山某子半項無
代先勸 老兄弟 那有三子共五兒 小漢應當著教示 長大成人由在伊
有 是大想無到 子兒亂來廣伊肴 飼大即乎子不孝 養育功勞放水流
子兒不通箱能愛 小漢乎伊亂亂來 別日長成即知害 乎伊不孝合應皆
做人是大著打撻 子兒不孝上食力 無彩心神用一札 飼子不孝大不達
能居好子是德倖 識父識母自然生 箱過束捕無路用 前世冤孽明明明
編歌勸 正朋友 來做父子是冤仇 好呆子兒免瓊救 一但無常萬事休
勸 父母著有孝 淫朋賭友不通交 有趁著緊娶家後 通送父母上山頭
做人子兒著孝順 報答養育父母恩 那有趁錢著札準 娶某生子通傳孫
勸 父母著孝敬 有咱十月 恩情 趁多趁小恰儉用 人廣家和萬事成
歌仔念歌馬趁錢 查某听歌生校生 囝仔听歌袂流鼻 返去一家團團圓
听歌那有作田人 返去年年好收冬 有人坐船出外港 乎伊順風一片帆
鄰長听歌陞官名 趁食查某痛契兄 老人听歌老養件 大家勤儉好名聲
(終)