二 十 四 孝 新 歌
| 竹林編歌無細字 句豆兮扣甲兮平 歌詞好呆免相箭 讀者希望達人錢 我今卜念廿四孝 句句都著用紙包 朋友姊妹不通走 著學有孝即有肴 廿四孝歌真多項 孝子上書廿四人 不孝听著就起動 听廣不孝架耳空 第一有孝姚大舜 用象耕田好年巡 娶著後娘無怨恨 苦毒命險見閻君 舜帝用象塊耕田 有孝二字感動天 後來能坐金鑾殿 孝子出頭合皆然 後娘苦毒伊袂死 亦是天地相扶持 人著有孝順天理 做人著學大舜兒 第二行孝漢文帝 父死只春母一箇 太后薄氏有病體 文帝親身捧湯茶 劉恆為帝真有孝 奉母至孝好尾梢 驚了因母乎人偷 有藥伊先飲做頭 不論貧賤富貴兒 著學漢朝文帝伊 養育大恩要兮記 忤逆父母無好生 第三行孝周曾子 姓曾名參字子輿 家貧散赤無米煮 扣柴糴米換蕃薯 自己有衫不甘穿 提乎因母穿內平 百般有孝從母令 留乎世間人傳名 奉勸世人小想覓 著想咱身對倒來 父母恩情深如海 敬孝雙親即應皆 第四行孝閔損兒 烏寒拖車即有奇 後娘苦毒不驚死 裘舖竿茫就是伊 因爹知影某卜離 子騫跪落改勸伊 乎母改嫁呆成氣 小弟無人通晟池 奉勸男大共女幼 雙親完全難得求 呆呆後娘罔成就 孝子二字好尾鰍 第五行孝是子路 不嫌千里兮路途 家貧落薄真干苦 楚國去尋因阿姑 去共阿姑先借米 來乎父母通充飢 不驚路遠幾千里 世間行孝就是伊 人廣家貧出孝子 貧人即著恰仁慈 奉待父母照順次 袂曉有孝那精生 第六郯子行孝性 父母目啁朗失明 母想鹿乳從母命 身穿鹿皮假鹿形 郯子有孝假鹿子 身罩鹿皮全無驚 閂著打鹿險無命 背落鹿皮緊出聲 有孝假鹿賜鹿乳 身背竹廣去偷神 獵夫看著伊一面 呵老孝子乎出身 第七孝子是董永 賣賜仙女做妻兒 後來董永酆都市 有孝天曹庇祐伊 有孝第一有路用 流傳世間人文明 不論貧賤亦高等 著學孝子出人情 第八江革大有孝 反亂天下亂抄抄 甘愿拖命背母走 賊人起兵四面包 江革跪落皆求情 听廣孝子即退兵 十兩金銀贈伊用 孝子連賊都同情 有孝父母袂奉笑 小漢驚怕睏袂燒 不時共咱六屎尿 大漢有孝英皆著 第九行孝老萊子 事親至孝真仁慈 敬親不敢出外去 驚因老母心兮思 老萊做人真有孝 不敢半步去人兜 因母不時苦子老 伊變囝仔翻倒頭 第十行孝是蔡順 王莽篡漢呆年巡 飢荒因母心憂悶 一升白米三兩銀 蔡順被賊掠去問 為母至孝去採桑 三斗白米賞伊返 賜伊令旗回本庄 汝將令旗插門口 眾賊不敢去恁兜 正人感服伊有孝 孝子定規好尾梢 十一郭巨出漢朝 家貧如洗驚子飫 一子三歲亦袂曉 有看物件扭朝朝 阿媽痛孫是實事 郭母心肝真慈悲 三噹儉米乎孫煮 老人自己食蕃薯 郭巨想著流 滓 暗靜偷說因某知 子真愛食因媽菜 參詳幼子掠去埋 盡孝埋子是郭巨 奉母至孝將子除 得著黃金天所賜 二十四孝皆上書 十二行孝是楊香 隨父打虎真英雄 父親驚虎大聲兩 楊香拼命即用強 空手打虎救老爸 生命險險虎嘴箇 真心行孝不是假 名聲宣揚傳萬世 楊香打虎歲十四 求父親身命不碟 猛虎乎伊來打死 後來正人感服伊 十三陸績行孝人 六歲囝仔過九江 袁術採橘來相送 堤返孝敬示大人 陸績見物真歡喜 阮母只物上愛碟 袁術知伊行孝義 閣挽二粒賞賜伊 六歲囝仔知有孝 有物不敢食做頭 想著爹娘伊年老 兮曉奉敬人真肴 十四行孝唐夫人 淑貞敬孝大認真 夫君山南人謹信 孝子出在女人身 婆婆無齒飲袂進 孝婦三噹用飼乳 小兒無食無要緊 敬奉祖母勸後人 因為祖母無嘴齒 孝婦小子拵不碟 囝仔三餐用飯飼 將乳奉待祖母伊 十五黃香真苦憐 九歲母死隨父親 暑天眠床拌秋秤 乎因父親去安眠 黃香九歲悅扇枕 囝仔有孝出真心 家中兮曉負責任 伊做模範咱恩人 十六姜詩亦孝子 尪某二人真仁慈 卜飲江水我愿去 半路得著金鯉魚 因母第一愛魚青 卜買散赤又無錢 想食青魚人得病 孝子跪落祝告天 因母想魚人險死 神仙化魚乎姜詩 緊上天庭奏玉旨 八月初九送麟兒 十七王裒我煞廣 因母在生驚雷公 看著天烏吪冤枉 號做孝子第一通 雷陳一時真大聲 王裒孝子就起行 跪在墓前哭呆命 叫因老母不免驚 王裒跪落哭墓牌 天庭玉帝隨時知 雷就無陳天清彩 隨時風佔雨無來 十八行孝是丁蘭 刻木為母傳世間 世界只款真希罕 一時反悔真為難 丁蘭小漢全無想 後來刻木奉爹娘 刻甲生前相親像 出門拔杯甲燒香 丁蘭一時行孝義 看羊生子即知機 想著老母為伊死 跳落埤內找身屍 廿四行孝黃庭堅 奉母至孝合皆然 做官亦無分貧賤 壽食七十即成仙 庭堅為官守浙江 不乎因母差別人 親身共母拼屎桶 三噹粥飯親手捧 (二十四孝新歌 終) |