h.gif (2826 bytes)
h1.gif (1979 bytes)

台灣歌仔簿─七字仔


十二更鼓歌

一更更鼓月照山 牽君兮手摸心肝 阿君問娘卜按盞 隨在阿君兮心肝
二更更鼓月照  牽君兮手入繡廳 雙人相好天注定 別人言語不通听
三更更鼓月照門 牽君兮手入繡床 雙人相好有所秧 恰好小種泡水糖
四更更鼓月照  第一相好咱二人 甲君即好所有望 阿君僥娘先不通
五更更鼓天卜光 厝爸媽叫食飯  想卜開門乎君返 手岸門屏心頭酸
六更更鼓天 開 阿娘煩惱君不知 阿君返去 所在 不知著時兮閣來
七更更鼓天大光 阿娘送君後花園 頭一看君去遠  害阮煩惱在心頭
九更更鼓九落雷 阿君者久無做堆 大聲叫門狗兮吠 小聲加叫緊來開
十更更鼓入哥厝 明明阿娘食著符 別人看無咱看有 為哥來死只工夫
十一更鼓回返來 阿娘煩惱無人知 手舉燈火入房內 按盞甲君分東西
十二更鼓倒落蓆 甲君分開按盞著 日來哀怨驚人笑 冥流目屎透過蓆
(終)