食頭路的心聲
馬淑華/高雄市正興國中
令人欽佩的董老師、各位支持「喙講父母話，手寫台語文」的好朋友，逐家好：
今仔日，小妹(本人)真歡喜，會當(e-dàng-)佇遮，徛(kia-)佇台仔頂用台語—世界上蓋媠(sùi)的聲音，來向逐家演講，佇我演講進前，先簡單自我介紹，請恁斟酌聽，詳細聽，本人dorh是轟動樓頂、驚動樓跤，高雄市正興國中的資深美女，人稱「馬so」，小姓姓馬，小名淑華。等一下若講gah離離落落，請恁diorh忍耐，向望在座鄉親序(si-)大，毋通相棄嫌，請逐家來ga-(共)阮疼惜，來ga阮牽教。紲落來，「無棄嫌，菜脯根罔咬鹹」，著bheh-(卜)開始阮的演講囉！ 阮的演講題目是「食頭路的心聲」、「食頭路的心聲」。
古早人有一句話：「一樣米，飼百樣人」，有人講好一定有人講bhài，所以逐家對食頭路的看法、感受，真正有足濟無仝款的聲音，俗語講得好：「賣茶講茶芳，賣花講花紅」。有人是「食職怨職」、「做一途，怨一途」，規工嫌錢無夠開，嫌厝無夠大，嫌車無夠pā，攏嘛咧怨天怨地，怨嘆厝裡公仔媽，無來dàu-(鬥)保庇，若m是毋家己leh-(咧)吐大氣，dorh是咧搬戲唱哭調仔。嘛有人「食hō-(乎)肥肥、激hō鎚鎚、妝hō媠媠、等領薪水」，數(siàu-)想錢濟、厝近、代誌gorh-(擱)輕鬆，若無dorh是「趁一工，dorh卜加食三冬」，攏是「食好做輕可」的貧憚骨，人咧e講「少年bhe曉想，食老著m(毋)成樣」，真是可憐兼悲哀啊！，
話gorh-(擱)講倒轉來，社會上也(ia-)是認真扑拚的卡濟，親像阮鹽埕埔舊厝邊的賴伯仔，今年已經是七十外外外，每工擱咧賣蚵仔麵線，我dak擺問伊，「賣麵敢bhe艱苦？汝嘛有歲頭啊，是按怎擱無想bheh-(卜)歇睏」，伊攏是笑笑仔ga我講：「趁食、趁食、無趁哪有通a食」？zit句話是咧教人「做人dorh(著)愛搰力，腳(跤)踏實地，才有出頭天的一工」。當然嘛有人是天色猶未光diorh出門，做gah日頭落山，猶是一歩一腳印，無計無較，甘願受歡喜做，雖然有時透風落雨，有時日頭赤燄燄(iān)，有時腳冷手凍，有時軟腳兼tèn腿，但是為著咱美麗的將來，「愛拚才會贏」，「有做才有通食」，做一個扑拚、快樂的食頭路人kah-(卡)實在。
在座的善男信女，恁對現在的頭路有滿意無？有ē舉手，無ē舉腳，（感謝恁的答案），若(na-)我的答案是：「現在，我對我的頭路相當滿意」，雖然不是「輕鬆仔做，涼涼仔趁」，更加m是「錢仔頭趁真濟」，但是逐工gah-(佮)一陣活跳跳的少年家作伙成長，佇īn學習的過程中，有時陣予(ho-)咱氣gah心臟噗噗cài(采)，碌心碌命，卜哭無目屎，叫天天bhe應，叫地地不靈，擱有時陣予咱嘴笑目笑，嘴仔笑gah裂sāi-sai(腮)，起毛誌spring-ghiang(鈃)，好擱ziāu輕鬆，zit時陣做老師的感覺一點仔攏無輸孔子公。
我佇正興國中教著一陣m-(毋)愛讀冊的囡仔兄，我相信「一枝草一點露，天無絕人之路」、「第一賣冰，第二做醫生，三百六十五行，行行出狀元」是我常常kǹg佇心裡的二句話。所以我一向是「因材施教」，替īn扑開另外一扇窗仔門，dorh是拜師學藝，予īn學著一身驅的好功夫，像煮食、做糕仔餅、烘雞卵糕、畫妝、做頭鬃(zang)、做烏手、修理電腦種種技術，he
dorh是人常常咧講ē歹(pain-)囡仔讀的「技藝班」，但是這是非常無正確的講法，īn只是對讀冊比較kah-(卡)無興趣爾爾(niā)，當初帶zit種班，鹹、酸、苦、澀攏總來，真是痛苦的代誌，毋過俗語咧講「一年新婦，兩年話拄，三年師傅」，正是「戲棚跤，徛(kia-)久e是咱的」，今年高雄市的技藝比賽，本校冠亞軍的成績，予人呵咾gah觸(dak-)舌，父母、親情(ziăn)是有面子，校長、主任噗仔聲是扑走bhe離，īn的老師目珠是瞇瞇瞇，嘴仔是開開開，同學講īn是「世界第一等」，īn的光采是我的安慰，人咧講「先苦而後甘」，一點仔著無m-diorh，zit-mà我行佇「食頭路」zit條路途上，我攏是抱著zit款心情：「戇戇(ghong-)做，恬恬做，na(哪)做na(哪)紲手，na做na心適，na做na快樂」。我合意我的頭路，願意做一世人上認真、上搰力、上樂暢的教冊人。最後，我借用陳雷的「歡喜着好」zit首歌來做我演講的結束，「…人生短短親像咧cit tŏr，有時煩惱，有時輕可，問我到底腹內有啥法寶，其實無撇步，歡喜着好」。
佇小港國中的zit段時間，gah-(佮)各位好姊妹、好兄弟gang-kuan-(共仝)認真學習，董老師親切、笑詼(kue)、趣味的教學，予咱提神擱bhe愛睏，有撇歩擱bhe囉唆，予咱的台語輕鬆、順sī(序)、滑溜、紲拍，感謝主辦單位－小港國中熱情的款待，有食擱有掠，更加感謝董老師，牽師仔擱無囥(kǹg-)歩，最後，祝在座學員、序大身體健康、萬事如意，小妹仔才疏學淺，下咧盡展，若阮講了無bhài，請恁噗仔dorh拍乎伊大大聲，祝恁金銀財寶滿大廳，lo-lat(努力)哦！祝恁囝兒序細讀大學，感恩哦！祝恁代代出diorh好囝孫。
(原稿) 食頭路的心聲
馬淑華/高雄市正興國中
令人欽佩的董老師、各位支持「喙講父母話，手寫台語文」的好朋友，逐家好：
今仔日，本人真歡喜，e凍蹛遮，立佇e台仔頂來用台語—世界上蓋媠的聲音，來向逐家演講，佇我演講近前，先簡單自我介紹，請恁斟酌聽，詳細聽，本人就是轟動樓頂、驚動樓跤，高雄市正興國中的資深美女，人稱「馬so」，小姓姓馬，小名淑華。等一下那講了離離落落，請恁得忍耐，向望在座鄉親勢大，毋通相棄嫌，請逐家來佮阮痛惜，來佮阮牽教。紲落來，「無棄嫌，菜脯根罔咬鹹」，著卜開始阮的演講囉！ 阮的演講題目是「食頭路的心聲」，「食頭路的心聲」。
古早人有一句話：「一樣米，飼百樣人」，有人講好一定有人講歹，所以逐家對食頭路的看法、感受，真正有著多不仝款的聲音，俗語講得好：「賣茶講茶芳，賣花講花紅」。有人是「做一途，怨一途」，規工嫌錢不夠開，嫌厝不夠大，嫌車不夠葩，攏嘛咧怨天怨地，怨嘆厝裡公啊媽，無來鬥保庇，那毋係家己著吐大氣，得係咧頒戲唱哭調仔。嘛有人「食呼肥肥、裝呼鎚鎚、妝呼媠媠、等領薪水」，肖想錢多、厝近、代誌擱輕鬆，若無得係「趁一工，得卜加食三冬」，攏是「食好做輕可」的貧憚骨，人de講「少年未曉想，食老著毋成樣」，真是可憐兼悲哀啊！，
話擱講回來，社會上啊是認真扑拼的卡多，親像阮鹽埕埔舊厝邊的賴伯仔，今年已經是七十外外外，每工擱咧賣蚵仔麵線，我每一擺問伊，「賣麵敢無艱苦？汝嘛有歲頭啊，為怎樣擱未想卜歇睏」，伊攏是笑笑仔佮我講：「趁食、趁食、毋趁哪有通啊食」？這句話是咧教人「做人得愛搰力，跤踏實地，才有出頭e彼一工」。當然嘛有人係天色猶未光得出門，做到日頭落山，猶是一歩一跤印，無計無較，甘願受歡喜做，雖然有時透風落雨，有時日頭赤燄燄，有時冷跤手凍，有時軟跤兼掌腿，但是為著咱美麗的將來，「愛拼才會贏」，「有做才有食」，做一介扑拼、快樂的食頭路人卡實在。
在座的善男信女，恁對現在的頭路有滿意無？有e舉手，毋e舉跤，（感謝恁的答案），那我答案是：「現在，我對我的頭路相當滿意」，雖然不是「輕鬆啊做，涼涼啊趁」，更加毋是「錢啊頭趁真多」，但是逐工佮一陣活跳跳的少年家共仝成長，佇in學習的過程中，有時陣呼咱氣加心臟噼波喘，碌心碌命，卜哭無目屎，叫天天無應，叫地地不靈，擱有時陣呼咱嘴笑眉笑，嘴仔笑加裂腮腮，起毛誌spring響，好擱召輕鬆，這時陣做老師的感覺一點仔攏無輸孔子仙。
我佇正興國中教著一陣毋愛讀冊的囝仔兄，我相信「一枝草一點露，天無絕人之路」、「第一賣冰，第二做醫生，三百六十五行，行行出狀元」是我常常放佇心裡的二句話。所以我一向是「因材施教」，替in扑開另外一扇窗仔門 ，得係拜師學藝，呼in學著一身驅的好功夫，像煮食、做糕仔餅、烘雞卵糕、畫妝、做頭鬃、做黑手、修理電腦種種技術，嘿得係人常常咧的講e歹囝仔讀的「技藝班」，
但是這是非常無正確的講法，in即是對讀冊比較卡不興趣爾爾，當初帶這種班，鹹、酸、苦、澀攏總來，真是痛苦的代誌，毋過俗語得講「一年新婦，兩年話拄，三年師傅」，正是「戲棚仔跤，立久得是咱的」，今年高雄市的技藝比賽，本校冠亞軍的成績是呼人阿咾加鬥舌，父母、親戚是有面子，校長、主任扑噗是扑不離，in的老師目珠是瞇瞇瞇，嘴仔是開開開，同學講in是「世界第一等」，in的光采是我的安慰，人咧講「先苦而後甘」，一點啊著無毋對，今嘛我行佇「食頭路」這條路途上，我攏是抱著這款心情：「憨憨做，恬恬做，na做na紲手，na做na心適，na做na快樂」。我合意我的頭路，願意做一世人上認真、上搰力、上楽暢的教冊人。最後，我得用陳雷的「歡喜着好」這首歌來做阮演講的結束，「…人生短短親像咧cit tŏr，有時煩惱，有時輕可，問我到底腹內有啥法寶，其實無撇步，歡喜着好」。
佇小港國中的一段時間，佮各位好姊妹、好兄弟共仝認真學習，董老師親切、笑詼、趣味的教學，呼咱提神擱毋愛睏，有撇歩擱無囉唆，呼咱的台語輕鬆、順勢、滑溜、紲拍，感謝主辦單位－小港國中熱情的款待，有食擱有掠，更加感謝董老師，牽師仔擱毋蓋歩，最後，祝恁在座鄉親勢大身體健康、萬事如意，小妹仔才疏學淺，會咧盡展，若阮講了無歹，請恁噗啊得扑呼伊大大聲，祝恁金銀財寶滿大廳，魯力哦！祝恁子兒勢小讀大學，感恩哦！祝恁代代出得好子孫。