(修訂稿) 好文章讀出聲，予別人聽
張瑾
董老師、宋組長、愛好台語文的先進同伴，恁dak(逐)家好！
我抽diorh(著)的題目是“好文章讀出聲，予別人聽”，為著zit(即)個題目，我困擾真久，好文章滿滿是，但是bheh-(卜)共伊翻做台語文嘛是真麻煩，所以g ūi-(規)氣家己寫一篇。寫了無(bhōr-)好請dak家多多包涵，m(毋)著的所在，嘛請dak-家ga-(共)我指教。
下面著是ghun-(阮)寫的文章，題目叫“阮阿公的菜瓜棚”。
昨暝夢中，我夢見阿公坐di(佇)五間厝尾邊的菜瓜棚仔ka(腳)，di
leh(佇咧)編hit(迄)kā-(奇)猶未編完的菜籃仔，伊的旱薰炊管擱倚(ua-)佇棚仔柱邊。
阮的老厝有前後兩落，阿公佮阿媽(mà )dùa佇後落南邊的五間厝。阿公佇伊的厝邊用竹箍仔搭一個真穩的菜瓜棚。春天的時陣，阿公diorh(著)會diàm兩欉菜瓜，順sùa-(紲)cai-(在)二枝棍仔予菜瓜旋藤。過無lua-(偌)久，菜瓜藤著會順著棚勢旋gah(甲)規棚ăm-am-ām(蓊)，因為阮阿媽dak工早起時，攏會共洗尿斗仔的水ak-(沃)佇hit(迄)個菜瓜欉跤。講起來，zit-(即)種菜瓜是上gài-(蓋)有機的哪！
菜瓜棚頂菜瓜藤旋gah密密密，菜瓜棚下dorh是上好的bhì(覕)蔭的所在。不時都有厝邊頭尾仔來佇菜瓜棚跤gah(佮)阮阿公、阿媽開講，所以若(na-)愛知影阮庄仔裡佗一家的閒仔代，來阮阿公的菜瓜棚跤聽話鬚(仙)dorh無m -(毋)diorh啦！
阿公透早、透暗攏佇菜瓜棚仔跤咧剖竹篾仔，編伊的篾器。工課若做一段落，伊dorh會teh(提)伊的薰(hūn-)炊管，吸一管仔旱薰。若是講diorh阮阿公的薰炊管，嘛是真藝術gorh(擱)兼真趣味，he(奚)是阮阿公家己做的neh。伊取一枝細枝竹仔子欄寡頭，竹仔頭的所在o-(挖)一個空(kang)kng薰草，竹仔尾dàu(鬥)一段黃銅做薰喙，中央用棉索仔縛(bak)一個竹管仔dè(貯)薰草。阮阿公若是teh伊的薰炊管bù薰的時陣，hit種眯著目珠，快樂若神仙，心內擱毋知咧想啥物，予人感覺真正是一個慈祥擱藝術的老人。
種菜瓜當然嘛是為著be(h)食菜瓜，菜瓜黃色的花蕊謝了以後會結出一條若刀柄的細條菜瓜仔子，阿公dorh會用紙共伊包起來，ziah
bhe予蜂仔叮pàin去。熱天的時陣，菜瓜生真濟，阿公dorh會挽去分厝邊頭尾仔。但是ghun-上蓋愛食的是菜瓜花煎，講diorh食菜瓜花，真正是有夠無詩情，擱有夠sŏng的哪！毋拘佇hit-個年代，會當食diorh菜瓜花煎，是真無容易，嘛是上蓋幸福的。到了秋天bhe(h)共菜瓜藤割掉的時陣，阿公會用酒矸仔共菜瓜水sĭn(承)起來，he(奚)是厝邊隔壁囡仔上蓋好的退熱(riat-)水。
阿公di九十一歲跋倒過身了後，菜瓜棚著無擱再搭起，菜瓜棚仔跤阮快樂的囡仔時代嘛消失gah無影無蹤。唉！毋知啥物時陣ziah(才)會當擱再轉去阮阿公的菜瓜棚仔跤！
我的演講到zia結束，希望dak家多多指教，真多謝！
(原稿)好文章讀出聲，予別人聽
張瑾
董老師、宋組長、愛好台語文的先進同伴，恁大家好！
我抽到的題目是“好文章讀出聲，予別人聽”，為著這個題目，我困擾真久，好文章滿滿是，但是袂共伊翻做台語文嘛是真麻煩，所以阮歸氣家己寫一篇。寫了毋好請大家多多包涵，無著的所在嘛請大家共阮來指教。
下面著是阮寫的文章，題目是“阮阿公的菜瓜棚”。
昨暝夢中，我夢見阮的阿公坐在五間厝尾邊的菜瓜棚仔下，佇咧編彼卡猶未編完的菜籃仔，伊的旱菸炊管擱倚佇棚仔柱邊。
阮的老厝有前後兩落，阿公佮阿嬤住佇後落南邊的五間厝。阿公佇伊的厝邊用竹箍仔搭一個真穩的菜瓜棚。春天的時陣，阿公著會墊兩叢菜瓜，順紲倚二枝棍仔予菜瓜旋藤。過無埒久，菜瓜藤著會順著棚勢拋甲歸棚涵涵涵，因為阮的阿嬤每一工的早起時，攏會共洗尿斗仔的水渥佇彼個菜瓜叢跤。講起來，這種菜瓜是尚介有機的哪！
菜瓜棚頂菜瓜藤拋甲密密密，菜瓜棚下就是尚好的bhi蔭所在。不時都有厝 邊頭尾仔來佇菜瓜棚跤佮阮阿公、阿嬤開講，所以偌愛知影阮庄裡佗一家的閒仔代，來阮阿公的菜瓜棚跤聽話鬚著無毋著啦！
阿公透早透暗攏佇菜瓜棚仔跤咧剖竹篾仔，編伊的篾器。工課偌做一段落，伊就會夯起伊的煙炊管，吸一管仔旱煙。偌是講到阮阿公的煙炊管，嘛是真藝術戈兼真趣味，奚是阮阿公自己做的哪。伊取一枝細枝竹仔子欄寡頭，竹仔頭的所在挖一個洞放煙草，竹仔尾湊一段黃銅做煙喙，中央用棉索仔綁一個竹管仔裝煙草。阮阿公哪是夯起伊的煙炊管哺煙的時陣，彼種眯著目珠，快樂若神仙，心裡擱毋知咧想啥物，予人感覺真正是一個慈祥擱藝術的老人。
種菜瓜當然嘛是為著袂吃菜瓜，菜瓜黃色的花蕊謝了以後會結出一條偌刀柄的細條菜瓜仔子，阿公就會用紙共伊包起來，以免予蜂仔叮壞去。夏天(熱天)的時陣，菜瓜生真濟，阿公就會挽去分厝邊頭尾仔。但是阮尚介愛吃的是菜瓜花煎，講到吃菜瓜花，真正是有夠無詩情，擱有夠俗的哪！毋拘佇彼個年代，會當吃到菜瓜花煎，是不止仔無容易，嘛是尚介幸福的。到佇秋天袂共菜瓜藤割掉的時陣，阿公會用酒矸仔共菜瓜水承起來，奚是厝邊頭尾仔的囝仔尚介好的退熱水。
阿公 九十一歲跋倒過身了後，菜瓜棚著無擱再搭起，菜瓜棚仔跤阮快樂的兒童世界嘛消失甲無影無蹤。唉！毋知啥物時陣才會通擱再回去阮阿公的菜瓜棚仔跤！
我的演講到這結束，希望大家多多指教，真多謝！