(修訂稿)我上合意的一首台灣民謠 
謝素霞/楠梓特殊學校/2004.06.03
以早聽人咧唱台灣民謠，親像「雨夜花」、「南都夜曲」，總是ho(予)人感覺足悲傷，聽咧聽咧，目屎著強(giong-)卜lian出來，所以我若(na-)去ktv唱歌，一直毋敢點台灣民謠，後來聽阿母gah(佮)阿姨īn攏咧唱台語歌gah台灣古早的民謠，斟酌gā(共)聽，內底的歌詞愈聽愈趣味，有當(dāng-)時仔心情若鬱卒，唱一寡台灣民謠，哭哭咧，心肝內底感覺gē(加)足輕鬆。
即擺抽diorh(著)演講的題目是「我合(gà-)意的一首台灣民謠」，我著去ga台灣民謠的歌仔冊teh出來唱看māi，發覺「補破網」即條歌真心適擱bhe(袂)gài(蓋)悲傷，伊的歌詞真有意義，充滿著希望，用講的kah(卡)慢，用唱的卡緊，我唱乎逐家聽，那唱了無好聽，請逐家mài棄嫌，ga我拍噗仔鼓勵一下。
看著網目ko紅，破甲ziah大空，想bheh補無半項，sian人知阮苦痛，
今日若將這來放，是永遠無希望，為著前途鑽(zǹg)活縫，cue傢司補破網。
手teh網頭diorh重，淒慘阮一人，意中人走dòr(佗)藏，針線來鬥幫忙，
姑不而將罔din(振)動，舉鋼針接西東，天河用線做橋板，全精神補破網。
魚入網好年冬，歌詩滿漁港，阻風雨駛孤帆，阮勞力無了工，
雨過天晴魚滿港，最快樂咱雙人，今日團圓心花香(pang)，從今免補破網。
網仔雖然破去(kio)，毋過咱毋tāng(通)失志，繼續ga破去的網仔補起來，猶原對人生抱著熱情gah(佮)希望，相信終有一工，會雲開雨停，日頭走出來，達成咱的願望。千萬毋通想bhe(袂)開，家己走去跳樓抑是自甘墮落，若會當ga「食苦當做咧食補」，共(ga-)眼前的失敗當做是天公伯仔對咱的考驗，喙齒根咬乎ăn，俗語講：「頭若過，身dorh過」親像倒食甘蔗，愈來愈甜，俗語講：「一枝草一點露」、「天無絕人之路」，只要咱像「補破網」迄條歌仝款，毋管人生的道路有lua-(偌)歹行，猶原繼續拍拚，無放棄任何的希望，我相信zit款的人生絕對是彩色e。

(原稿)我上合意的一首台灣民謠 
謝素霞/楠梓特殊學校/2004.06.03
以早聽人咧唱台灣民謠，親像「雨夜花」、「南都夜曲」，總是乎人感覺足悲傷，聽咧聽咧，目屎著iong 卜lian出來，所以我那去ktv唱歌，一直毋敢點台灣民謠，後來聽阿母和阿姨伊攏咧唱台語歌ga2台灣古早的民謠，斟酌ga 聽，內底的歌詞愈聽愈趣味，有dang時心情那鬱卒，唱一寡台灣民謠，哭哭矣，心肝內底感覺ge足輕鬆。
即擺抽到表演兮題目是「我上喜歡的一首台灣民謠」，我著去ga3台灣民謠兮歌仔冊拿出來唱看mai 5，發覺「補破網」即條歌真心適擱卜gai2悲傷，伊兮歌詞擱真有意義，充滿著希望，用講兮ka 慢，用唱兮ka gin，我唱乎逐家聽，那唱liau無好聽，請逐家mai2棄嫌，ga我拍掊鼓勵一e 。
看著網目眶紅，破甲這大空，想要補無半項，誰人知阮苦痛，
今日若將這來放，是永遠無希望，為著前途針活縫，尋傢司補破網。
手拿網頭就重，淒慘阮一人，意中人走叨藏，針線來鬥幫忙，
姑不利終罔珍動，舉鋼針接西東，天河用線做橋板，全精神補破網。
魚入網好年冬，歌詩滿漁港，阻風雨駛孤帆，阮勞力無了工，
雨過天晴魚滿港，最快樂咱雙人，今日團圓心花香，從今免補破網。

網仔雖然破矣，毋過咱們毋免失志，繼續ga3破去兮網仔補起來，猶原對人生抱著熱情ga希望，相信終有一工，會雲開雨停，日頭走出來，達成咱兮願望。千萬毋通想袂開，家己走去跳樓抑是自甘墮落，若會凍ga食苦當做咧食補，ga眼前的失敗當做是天公伯仔對咱們兮考驗，喙齒根咬乎緊，人說：「頭若過，身就過」就會親像倒食（喫）甘蔗，愈來愈甜，俗語講：「一枝草一點露」、「天無絕人之路」，只要咱們像「補破網」迄條歌仝款，毋管人生兮路ua 歹行，猶原繼續打拼，無放棄任何兮希望，我相信逐家的人生絕對是彩色矣。