(修訂稿) 我對國內治安的看法
李金貴/瑞豐國中
各位老師、各位學員dak家午安、dak家好，真歡喜有zit-(即)個機會來學講台語，真多謝董老師cua-咱行入台語花園來欣賞母語的景致。講袂liàn(輾)轉的所在請dak- (逐)家多多指教！今天我bhe(h)演講的題目是：我對國內治安的看法。
頂一工，我的好朋友kà電話通知我，īn dau(兜)改電話番，因為伊予(ho)詐騙集團嚇(han-)一個險無性命，有一工電話ghiang，喂！電話內底傳來一個查囡的哭聲，媽我是力琪啦，我予人綁票！kok(扣)！電話掛斷。朋友雄雄驚gah皮皮cūah，心臟噗噗cài，身軀流凊(cìng-)汗，查某囝佇台北讀大學按怎會hŏng綁票？查某囝的手機偏偏擱kà bhe通，急gah強bheh掠(liah-)狂！佳哉！落尾學校幫忙才聯絡diorho，才知平安無代誌。原來是一zān假綁票真騙財！
zit-(即)幾冬來，像an-ne-(按爾)的案件m(毋)是一件兩件，逐日新聞攏咧(le-)報導：騙人刮刮樂中大獎、國稅局退稅、金光黨騙阿公、阿婆的棺材本等等的罪行，無所不至，啥mih有空無榫的出頭攏有，真真假假霧煞煞，siau-貪nng雞庵(籠)，有人diorh會予諞仙仔騙卡鈴瓏seh(踅)。
今仔日的生活誠(ziān)無安全感，足濟人提心吊膽驚驚惶惶(hiăn)過日子，暗暝我盡量無出門，日時出門m敢穿傷sùi，puan鍊、手指、露螺m敢掛，ō-do-bhài(機車)大鎖一定愛鎖，若無翻頭dorh愛坐11路轉去厝，真怨嘆！治安ziah-ni
bhài！聽講，cam內政部長的牽手都hŏng搶，部長家己自身難保，怎樣保護小百姓？我看日頭赤炎炎(iān)隨人顧性命，俗語講：小心bhe蝕本。早前的社會嘛有歹徒犯案，m-gor攏是三更半暝¤g-¤g-iap-iāp偷掠雞偷牽牛，哪有像zit-mà光頭白日佇大路嘛照搶不誤，搶無，毋是tāi人dorh是將人做狗拖，不管受害者大空抑小裂(lih)，僥倖兼失德！昨hng電視新聞報導二個夭壽仔騎ō-do-bhài(機車)搶一個小姐的皮包，bhe走前gorh越頭唱聲：好膽來追呀！真m是款，甘蔗整枝ke真無zam節！掠diorh拍gah予伊拖屎連(liăn)，bhe sai予īn傷好食睏！佳哉！舉頭三尺有神明，人咧(leh)作天咧看，無lua久予警察掠去派出所拘留29天！
說diorh現此時的巡察真硬斗，不時無閒cì-cīh，頭無梳面無洗，像gān-lok鈴瓏seh，無一時定(diān)，一下仔這有人bheh跳樓，一下子hia火燒厝，一下仔公園hŏng囥炸彈，一下仔酒醉駛車出代誌，酒醉誤大事偏偏有人無撙節，真正氣死驗無傷！也有做人囝兒的tāi父母，為了財產分bheh平，pà gah29暝！了然啊，真悽慘，那會an-ne？社會風俗敗gàu-(到)zit款的地步！真正是天無照甲子，人無按天理，這bheh cue啥人討siau(數)？
一拖拉庫的治安問題，攏m是一工、二工造成，嘛m是石頭坑家己蹦出來，逐家攏mài相推，像在座各位攏是國中、高中的老師，接觸的正是16、17歲仔m知世事，m知天地幾斤重的囡仔，有一寡是「少年bheh曉想，食老不像樣」的，咱dorh愛有耐心牽教，開破人生的道理予īn聽，叫īn m-tāng汝兄我弟，勾群結黨，去較(gà-)車、去食搖頭丸、安非他命，人生dorh烏有去。做人愛守本分，食苦當作食補，加減學技藝，後擺食穿才免煩惱，毋(m)通冊毋讀，規工四界賴賴趖，愛食m討趁，食gah肥肥裝乎捶捶，想空想縫做歹囝，lak-袋仔de鎊子的時，才來偷、才來搶，掠準歹代誌瞞天過海無人知，m-gu「雞卵kah密也有縫」「千算萬算，m值天一向」，古早人咧講「善惡到頭終有報」、「不是不報時辰未到」，最後嘛是去籠仔裡食免錢飯。所以奉勸一時行歹路的人，早日收腳洗手，人家說：「仙人拍鼓有時錯，腳步踏差啥人無」，只要浪子回頭，前途嘛是有光明的機會。
總講一句，即塊土地是咱逐家bheh徛起的所在，逐家愛做伙相挺，厝邊隔壁樓頂樓下相看顧，向望士農工商攏會當安居樂業趁大錢，向望百姓可以無煩無惱，一醒到天光，最後祝福咱的社會風調雨順，國泰民安，祝福大家平平安安、歡歡喜喜過日子。
我的演講到zia收煞，請各位多多指教，努力(lo-lat)！
七字仔作業
廳頭公媽愛過年，一家圍爐團團圓。
甜粿菜頭規桌墘，保庇後冬趁大錢。
台語講稿作業
我對國內治安的看法
各位老師各位同學大家午安大家好，真歡喜有這個機會來學講台語，真魯力董老師帶咱們進入台語花園欣賞好光景。講不輪轉的地方請大家多多指教！今天我要演講的題目是：我對國內治安的看法。
頂一工，我的好朋友打電話通知我，他家改電話番，因為他被詐騙集團嚇得沒死半條命，有一天電話鈴響，喂！電話裡面怎傳來女孩的哭聲，媽我是力琪啦我被綁票！扣！電話掛斷。朋友雄雄嚇得皮皮銼心臟撲撲跳，身軀冒冷汗，女兒佇台北讀大學安怎被綁票？女兒的手機偏又打不通，急的快捉狂！加在最後學校幫忙聯絡到，才知平安沒代誌。原來是一樁假綁票真詐財！
這幾冬來像這樣的案件不是一件兩件，每日新聞都在報導：騙人刮刮樂中大獎、國稅局退稅、金光黨騙阿公阿婆的棺材本等等犯罪，無所不至，啥密有空無筍出頭攏有，真真假假霧煞煞，肖貪鑽雞籠，有人就會被騙仙仔騙卡鈴瓏踅。
今日的生活很沒安全感，足濟人提心吊膽驚驚惶惶過日子，暗暝我盡量不出門，日時出門不敢穿太水，項鍊、戒指、露螺不敢掛，摩托車大鎖一定不能忘，不然翻頭就要坐11路回家，真怨嘆！治安這麼歹！聽說連內政部長的牽手都被搶，他自身難保怎保小百姓？我看日頭炎炎隨人顧性命，人家說小心不蝕本。以前的社會也有歹徒犯案，不過都是三更半夜遮遮掩掩偷捉雞偷牽牛，哪像現在光天化日之下，大馬路上也要搶，搶不到手就砍人或拖著地上爬，不管人大空小裂，僥倖兼失德！昨天報二個夭壽仔騎摩托車搶一個小姐皮包，要走還回頭嗆聲：來追呀來追呀！真不是款，甘蔗整棵咬真沒斬節！捉到不碎屍萬段給他太好呷睏！家在！舉頭三尺有神明，人在作天在看，沒多久被捉到出所拘留29天！
說到現在的巡察真硬斗，不時忙碌叱吒，頭沒梳面沒洗，像陀螺鈴瓏轉，不得一時歇喘，一下子這有人要跳樓，一下子那火燒厝，一下子公園被放炸彈，一下子酒醉駕車出代誌，酒醉誤大事偏偏有人不撙節，真的氣死驗沒傷！也有作孩子的殺父母為了財產分不平，打到29暝！了然阿，真悽慘，那會這樣？社會風俗敗到這等地步！天沒照甲子，人沒按天理，這要找誰賭債呢？
一拖拉庫治安問題攏不是一工二工造成，也不是石頭坑自己蹦出來，逐家攏賣相推，像在座各位都是國中、高中的老師，接觸的正是16、17歲仔不知世事，不知天地幾斤重的孩子，有一寡是「少年不曉想，吃老不像樣」的，咱就要耐心牽教，開破人生的道理給他聽，叫他們不可你兄我弟，勾群結黨，去軋車、去吃搖頭丸、安非他命，人生就烏有了。做人要守本分，吃苦當作吃補，加減學技藝，後擺吃穿免煩惱，不通冊不讀，整工四界賴賴銼，要吃不討趁，吃得肥肥裝得捶捶，想空想縫做歹子，口袋裝秤子時才來偷來搶，以為歹代誌瞞天過海沒人知，不過「雞蛋密密也有縫」「千算萬算，不值天一向」，古早人在講「善惡到頭終有報」「不是不報時辰未到」，最後嘛是去籠子裡吃免錢飯。所以奉勸一時走錯路的，早日收腳洗手，人家說：「仙人打鼓有時錯，腳步踏差誰人無」，只要肯浪子回頭，前途嘛是有光明的機會。
總說一句，這塊土地是咱大家要踦起的所在，大家要做伙相挺，厝邊隔壁樓頂樓下相看顧，向望士農工商都可以安居樂業趁大錢，向望百姓可以無煩無惱，一醒到天光，最後祝福咱的社會風調雨順，國泰民安，祝福大家平平安安、歡歡喜喜過日子。
我的演講到此收煞，請各位多多指教，魯力！
七字仔作業
廳頭公媽愛過年，序細圍爐攏團圓。
甜粿菜頭滿桌墘，保庇後冬趁大錢。
※ 麻煩老師批改，辛苦囉，感恩喔！
學生 李金貴 央託
93.06.02