(修訂稿)「花食露水、魚食流水、人食喙水」

潘秀忍/英明國中2004.6.4

看diorh台腳人kor-kòr(洘)，腹內無物(mìh)心煩惱，

董師教學無潦草，大大小小ziāu呵咾。

若講台語dùe(綴)阿母(bhòr)），卡輸來揣董師學，

用字掠(liah-)詞ghāu(爻)轉倒，親像食著水蜜桃，

順喙sùa(紲)拍精神好，母語用心重思考，

若是淡薄有成果，噗聲m(毋)免家己討。

董老師、各位同學，逐家平安、逐家好！

今仔日我所bheh(卜)演講的題目，是「花食露水、魚食流水、人食喙sùi(嘴)」。咱人為著卜生活，除了參厝裡的人蹛作伙有鬥陣以外，參外口人接觸的機會嘛足濟。若是喙甜，說著話會中(dìng-)人意，有禮貌，有好的口才gah(佮)喙嘴，一定dorh會有人緣、得人疼，人講「生緣卡好生嫷」，dorh是即ē意思。有人緣，dorh有好的關係，連帶事事項項嘛攏會順利，dorh親像有凍著露水的花，開gah(甲)特別嫷；佇濁水deh(咧)泅的魚，生著也特別肥gang(仝)款。

「一牽成，二好運，三才情。」一個人若卜成功，毋是靠家己身體健康、腹肚袂膨風，抑是靠家己有啥mih(乜)天峘(ghŭan)地闊的才調著會用zit^o/dit^o(得)，嘛愛有各種的條件互相配合，才有法度。比如講，若會dàng(當)得著外人淡薄的幫贊，拄diorh代誌有朋友鬥走(zau-)zŏng等等，才會當達成目標。毋gu/gor(過)參別人佇咧接觸的時陣，毋管佇學校、餐廳、公車、辦公室、路頭抑是公共場所等…，有識似也好，無識似也好，加減攏會拄(du-)著一寡口氣、架勢無合咱意的人，即個時陣，若會當將喙嘴(sùi)發揮乎好勢，「鬱鬱佇心底，笑笑陪人禮。」毋驚hia ē人會發性地，顛倒ga(共)遐ē人褒挲（sōr-）甲順順順，「捌(bhat-)人，卡好捌錢」，變做是咱將來成功的一個piat(撇)歨。

咱攏知影，佇即個社會，人gah人中間，上重要是愛互相尊重，「人人好，阿不倒」，毋ziah(才)有人緣，無煩惱，「好歹佇心內，喙唇皮仔相款待」也dorh是咱現代人所講的「EQ」啦。擱有足濟俗語ga咱教講：「好喙，bhe蝕本」、「好嘛一句，歹嘛一句」、「心歹無人知，喙歹上厲害。」「人情留一線，日後好相看」。總講一句，嘛是「花食露水、魚食流水，人食喙嘴」的意思。zia(遮)攏是充滿咱祖先的智慧佮做人的道理，咱愛好好共伊抾(kiòr-)起來(kài)囥佇心肝內，當作是第一寶貴的文化財產，培養好的人緣，創造上峘的「EQ」，將來ziah(才)有成才出腳的一工。

各位學員！親像台語即款優美擱充滿著智慧的語言，是值得咱逐家來重視佮學習的，咱千萬毋通共囥乎拋荒去，著愛認真來向董老師學習，「做戲的bheh(卜)煞，看戲的毋煞」，認真ga(共)宋組長sai-nai(撒奶)，今仔日結束了後，著愛繼續擱開進階班，逐家講好抑m好啊？

我的演講到遮結束，多謝逐家，lo-lat(努力)！

(原稿)「花食露水、魚食流水、人食喙水」演講稿

2004.6.4 英明國中潘秀忍

看到台下人可可，腹內無物（mì）心煩惱，

董師教學無潦草，大大小小齊呵咾。

若講台語跟阿母（bhòr），卡輸來揣董師學，

用字掠（liah）詞敖（ghău）轉倒，包你親像食蜜棗，

順喙尬帕精神好，用心將伊來思考，

若是淡薄有成果，噗聲不免家己討。

董老師、各位同學，逐家平安、逐家好！

今仔日我所卜演講的題目，是「花食露水、魚食流水、人食喙嘴」。咱人為著卜生活，除了參厝裡的人蹛作伙有鬥陣以外，參外口人接觸的機會嘛足濟。若是喙甜，說著話會中人意，有禮貌，有好的口才甲喙嘴，一定就會有人緣、得人疼，人講「生緣卡好生嫷」，dor是即ē意思。有人緣，dor有好的關係，連帶事事項項嘛攏也會順利，就親像有凍著露水的花，開佮特別嫷；佇濁水底泅的魚，生著也特別肥共款。

「一牽成，二好運，三才情。」一個人若卜成功，毋是靠家己身體健康、腹肚袂膨風，抑是靠家己有啥乜天峘(高)地闊的才調著會用即（zit），嘛愛有各種的條件互相配合，才有法度，比如講，若會凍得著外人淡薄的幫贊，拄dor代誌有朋友鬥走（zau）zŏng等等，才會凍達成目標。毋拘參別人佇咧接觸的時陣，毋管佇學校、餐廳、公車、辦公室、路頂頭抑是公共場所等…，有識似也好，無識似抑也好，加減攏會拄（du）著一寡口氣、架勢無合咱意的人，即個時陣，若會凍將喙嘴發揮乎好勢，「鬱鬱佇心底，笑笑陪人禮。」毋驚遐人會發性地，顛倒甲遐人褒挲（sōr）甲順順順，「捌（bhàt）人，卡好捌錢」，變做是咱將來成功的一個後歨。

咱攏知影，佇即個社會，人甲人中間，上重要是愛互相尊重，「人人好，阿不倒」，毋zia有人緣，無煩惱，「好歹佇心內，喙唇皮仔相款待」也就是咱現代人所說的「EQ」啦。擱有足濟俗語加咱教講：「好喙，袂蝕本」、「好嘛一句，歹嘛一句」、「心歹無人知，喙歹上厲害。」「人情留一線，日後好相看」。總講一句，嘛是「花食露水、魚食流水，人食喙嘴。」遮攏是充滿咱祖先的智慧佮生存的道理，咱愛好好共伊抾（kiòrh）kài囥佇心肝內，當作是第一寶貴的財產，培養好的人緣，創造上峘的「EQ」，將來da有成才出腳的一工。

各位！親像台語即款優美擱充滿著智慧的語言，是值得咱逐家來重視佮學習的，咱千萬毋通甲囥乎拋荒去，著愛認真來向董老師學習，「做戲的卜煞，看戲的毋煞」，認真甲宋組長撒奶，今仔日結束了後，著愛繼續擱開班，逐家講，好抑不好啊？

我的演講到遮結束，多謝逐家，魯力！