(修稿) 阿母煮的飯上好食

呂美燕/五福國中 06/16/2004

若(na-)講著(diorh-)煮食，有一個人我一定愛(ài-)紹介予逐(dak-)家知影，hit 個人dorh是阮阿母。人講家己褒kah bhe臭cor，阮阿母煮的飯，m是我leh臭彈，嘛m是我 leh 膨風，阮阿母煮食的功夫是一流的，厝邊隔壁tāng人知，不管是一般菜色iā是手路菜，伊攏會曉，煎的、煮的、炒的、ziⁿ的、煮的、滷的、kŭn的、sah的、炕的、封的、燉的、dīm的，逐項料理攏是氣味好、滋味讚、鹹ziàⁿ du-du好。

想起阿母煮的飯，喙瀾(nūa)dorh一直流，因為我對高中開始dorh佇外面讀書，bheh食著阿母煮的飯dorh愛等放假轉去到厝，以早我m-bhat寶，bhe-dàng體會阿母煮的飯好食，等到過著逐工食外口的日子，才懷念阿母煮的飯。阿母為著bheh予阮食飽gorh食巧， 定定(diaⁿ-diaⁿ-)愛換菜色，學新的物件予阮(ghuan-)食bhe-siān，有時仔食飯，有時仔改食麵，有時仔換炒米粉，有時仔dorh包水餃，天氣熱驚阮無(bhōr-)胃口，dorh煮海產糜，天氣寒dorh刣(tāi-)雞dim補；為著阮的健康，買的菜佮(gah-)用的油攏有特別選過；若遇著節日，一定照例cūan物件，過年時炊粿，元宵搓(sōr-)圓仔，清明gàu潤餅，五月節縛(bak-)粽，七月初七hip油飯，因為有zia-ē好料理，阮的節日才會當ziah-ni豐沛(pōng-pai)、腥臊(cēⁿ-cau)佮精彩，嘛予(ho-)一個家有厝的溫暖，每一項料理攏代表阿母的用心計較佮全心關懷，以早放學轉去到厝，dorh會鼻(piⁿ)著芳味，是我感覺上幸福的代誌。

人若呵咾(ōr-lor-)阮阿母ghūa煮食，阿母攏講：是作料夠，m是新婦ghŭa ，是恁m甘嫌。我問阿母是按怎哪會ziah ghūa煮食，阿母講伊嘛是dau-dāu-a-orh，m是一工dorh會曉，嘛是愛靠經驗，照紀綱來行，bhe-sai凊cài，事事項項嘛攏親像煮料理gang款，愛猛掠(me-liah)、愛頂真，m過阿母的手路菜我ia未學起來，講起來嘛真paiⁿ勢，我gā-nā出一支喙，會曉食bhe曉做，希望有一工會當(e-dàng-)換我煮飯予阿母食。

(原稿) 阿母煮的飯上好食

呂美燕/五福國中 06/16/2004

哪講到煮食的，有一個人我一定要紹介予大家知道，那就是阮阿母，人講家己褒甲袂臭 cor，阮阿母煮的飯，毋是我 le臭彈，嘛毋是我 le 膨風，阮阿母煮食的功夫是一流的，厝邊隔壁通人知，不管是一般菜色還是手路菜，伊攏會曉，煎的、煮的、炒的、炸的、煮的、鹵的、kun的、sah的、炕的、封的、燉的，逐項料理攏是氣味好、滋味讚、鹹正du du好。

想起阿母煮的飯，喙瀾就一直流，因為我對高中開始就佇在外面讀書，袂吃到阿母煮的飯就愛等放假 dng 去到厝，以早我不知道寶，袂當體會阿母煮的飯好吃，等到過著逐工吃外面的日子，才懷念阿母的飯。阿母為著袂予阮食飽又食巧， diaⁿ diaⁿ 要換菜色， or新的物件予我們吃不膩，有時啊食飯，有時啊食麵，有時啊炒米粉，有時啊著包水餃，天氣熱怕阮沒有胃口，就煮海產糜，天氣寒就抓雞燉補；為著阮的健康，買的菜佮用的油攏有特別挑過；若遇到節日，一定照例傳物件，過年時炊粿，元宵sor圓仔，清明gua潤餅，五月節綁粽，七月初七 him 油飯，因為有遮的好料理，阮的節日甲會當遮呢精彩，遮呢豐富，嘛予一個家有家的溫暖，每一項料理攏代表阿母的用心計較佮全心關懷，以早放學dng去到厝，著會聞到香味，是我感覺上幸福的代誌。

人若or lor 阮阿母 gua 煮食，阿母攏講，是作料夠，不是新婦gua ，是您毋敢嫌，我問阿母是按怎伊哪會遮gua 煮食，阿母講伊嘛是 dau dau or ，毋是一工就會曉，嘛是要靠經驗，照起工來行，袂當 cin 菜，項項事事嘛親像煮食 kang 款，要敏掠要頂真，不過阿母的好工夫我 ia 袂學起來，講起來嘛真pai勢，我甘那出遮支喙，會曉吃袂曉做，希望有一工會當換我煮飯予阿母食。