(修訂稿)我對母語的認識
徐雯慧/左營國中
董老師、宋組長、各位老師，dak-(逐)家好！
今仔日我所bheh講的題目是「我對母語的認識」，這是我頭一次用台語來演講，講了無不妥當的所在，請dak家多多包涵！
俗語講：「一枝草，一點露」、「父母疼囝長流水，囝想父母樹尾風」、「食果子，拜樹頭；食米飯，拜田頭」。ziā ē台灣古早俗語，表達了一種人類共同的生活智慧、經驗佮信念，口耳(nì)相傳而來的生活語，自細漢的時陣著陪伴咱成長，教囡仔愛知福、惜福，毋通浪費食物，阿媽講，伊hit個時代「一粒田螺九碗湯」，三頓攏是煮番薯簽，若有白飯cām豬油食，dorh足歡喜。 隔壁的阿土偷挽棗仔，ho(予)主人發現diorh，大聲罵：「夭壽死囡仔！」。阿母講：「細漢偷挽匏，大漢偷牽牛。」—細漢dorh做小賊，大漢了後dorh會做大賊。「相讓食有cun(伸)，相搶食無份。」—ga-(共)咱講兄弟姐妹愛和好鬥陣，mài為著小事來傷和氣。
印象當中，台語dorh親像是「阿媽的話」，hiah
ni簡單、趣味，gah-(佮)咱的生活相結合。特別是一gùa趣味的囡仔歌，到zit-mà(即碼)iau是予人真懷念。「白鴒鷥車畚箕，車到溪仔墘，跋一倒，抾diorh二先錢。一先儉起來好過年，一先買餅送大姨。」 「ABC狗咬豬，阿公仔坐飛機，摔一下冷吱吱。叫醫生，來共伊醫，醫一下跤骨大細肢。」落雨天若bhe當出去cit-tŏr，di-(佇)nī-zīn-ka(簾簷跤)嘛bhe無聊，逐家相招來sng「一的炒米芳(pang)，二的炒韭菜，三的強強滾，四的炒米粉。五的五將軍，六的六做官，七的分一半，八的火燒山，九的九嬸婆。拍汝千拍汝萬，拍汝一千零五萬。」，嘛是鬧熱滾滾！
m-gor(毋過)，佇我讀國小的時陣，學校推行「國語運動」，禁止阮(ghuan-)佇學校用台語講話，所以，講母語的機會dorh愈來愈少，只有佮阿公、阿媽抑是阿母、阿爸開講的時，才會講台語。俗語講：「三日無餾bè上樹」，語言是一定愛佮生活相結合的。台灣長期以來實施國語政策，zit-mà受過教育的人，開喙合喙攏是用「北京語」咧發聲佮思考，進前我佇高雄師大學習TLPA的台語音標時，dak家上課deh-(咧)學台語的拼音，私底下抑是下課時，著隨轉國語咧開講，講母語煞親像咧講「外國語」leo！
阮兜hit-ē讀幼稚園的三歲囡仔，咧唸囡仔歌：「樹頂一隻猴，樹腳一隻狗，猴對樹頂跋落來，dè diorh樹腳hit隻狗。」「一個囡仔愛講話，講天講地，講烏白，m知講啥物貨，講gah一布袋。」音攏掠(liah)bhe準，烏白唸，課本內底的音標佮漢字gorh看無，特別是聲調更加複雜，這ho我有一個深深的體會：母語文化di咱即代若無強救佮保存，可能會漸漸失落去。今仔日，一般人佇聽的部分攏kah-(卡)無問題，主要原因是受著電視媒體，親像「親ziăn mài計較」、「兄弟姊妹」zia ē台語節目，抑是流行歌謠「港都夜雨」、「針線情」的影響，咱有聽台語的環境，所以自然地著有聽的能力，但是對母語來說，除了保存文化的傳承以外，bheh如何用來表達思想、意志佮感情，「想bheh-(卜)講」、「會曉講」，ia-gorh「會曉寫」，這才是母語教學的重點。
即遍參加研習，學diorh
zit套通用拼音，我感覺真有路用，因為比以前所學的音標好用、好學，而且對詩詞的學習有真大的幫助，過去有關古詩押韻的問題，無法度用北京語來解說，比如李商隱的「夜雨寄北」：「君問歸期未有期，巴山夜雨漲秋池；何當共翦西窗燭，卻話巴山夜雨時。」用台語來吟唱的時，dorh無出韻的情形。比如柳宗元的「江雪」：「千山鳥飛絕，萬徑人蹤滅；孤舟簑笠翁，獨釣寒江雪。」用台語吟唱的時，dorh無入聲字消失去的問題。這對詩詞的吟唱佮學習，實在有真大的幫助，如果學生若使用zit套通用拼音，會曉分別啥是白話音抑是讀書音，等於是學會曉一種通行全世界「zat咧行的能力」。以前我對母語的認識有限，liah-(掠)準「台東調」、「花鼓調」、「萬基調」，zia(遮)只是歌仔戲的戲曲，想bhe到運用佇古詩吟唱，嘛真合軀(su)、真趣味。
感謝董老師zit兩個月來，zià-ni-à用心的牽教，ho阮對母語的認識佮學習，有誠(ziān)大的收穫佮進步！
(原稿)我對母語的認識
徐雯慧/左營國中
董老師、宋組長、各位老師，大家好！
今天我所要說的題目是「我對母語的認識」，這是我頭一次用台語來演講，說不妥當的地方，請大家多多包涵！俗語說：一枝草，一點露。父母疼子長流水，子想父母樹尾風。食果子，拜樹頭；食米飯，拜田頭。
這些台灣古早的俗語，表達了一種人類共同的生活智慧、經驗和信念，口耳相傳而來的生活短語，自小時候就陪伴咱成長，教囝仔要知福、惜福，不要浪費食物，阿媽說，伊那個時代「一粒田螺九碗湯」，三餐攏是煮番薯簽，若有白飯搅豬油吃，就很歡喜了。
隔壁的阿土偷挽棗子，被主人發現了追著罵：「夭壽—死囝仔！」。阿母說：「細漢偷挽匏，大漢偷牽牛。」—小時候就做小賊，長大以後就會做大賊。「相讓食有伸，相搶食無份。」—佮咱說兄弟姐妹要和好鬥陣，不要為了小事情就傷了和氣。
印象當中，台語就親像是「阿媽的話」，那麼簡單、趣味，佮咱的生活深深結合。尤其是一些趣味的囝仔歌，到現在還是使人很懷念。「白鷺鷥車糞箕，車到溪仔墘，跋一倒，抾到二先錢。一先撿起來好過年，一先買餅送大姨。」 「ABC狗咬豬，阿公仔坐飛機，摔一下冷吱吱。叫醫生，來甲伊醫，醫一下跤骨大小肢。」下雨天若袂能出去迌陶，在厝簷下嘛袂無聊，大家相招來玩「一的炒米香，二的炒韭菜，三的強強滾，四的炒米粉。五的五將軍，六的六做官，七的分一半，八的火燒山，九的九嬸婆。打你千打你萬，打你一千零五萬。」，嘛是鬧熱滾滾！
不過，在我讀國小的時候，學校推行「國語運動」，禁止我們在學校用台語說話，所以，說母語的機會愈來愈少，只有佮阿公阿媽抑是阿母阿爸開講時，才會說台語。人家說：「三日無餾爬上樹」，語言是一定愛佮生活互相結合的，台灣長期以來實施國語政策，即碼受過教育的人，開喙合喙攏是用「北京語」咧發聲佮思考，近前我在高雄師大學習TLPA的台語音標時，大家上課時佇學台語的拼音，私底下抑是下課時，著隨轉國語咧開講，講母語煞親像佇講「外國語」咧！
阮兜那个讀幼稚園的三歲囝仔，佇唸囝仔歌：「樹頂一隻猴，樹腳一隻狗，猴對樹頂跋落來，壓佇樹腳彼隻狗。」「一个囝仔愛講話，講天講地，講黑白，不知講啥麼貨，講甲一布袋。」音攏抓袂準，黑白唸，課本裡面的音標佮漢字，又看不懂，尤其是聲調更加複雜，這使我有一個深深的體會：母語的文化在我們這一代，若無挽救佮保存，可能會漸漸失落了。今仔日，一般的人佇聽的部分攏較無問題，主要原因是受著電視媒體，親像「親戚勿計較」、「兄弟姊妹」這些台語節目，抑是流行歌曲「港都夜雨」、「針線情」的影響，我們有聽台語的環境，所以自然地著有聽的能力，但是對母語來說，除了保存文化的傳承以外，要如何用它來表達思想、意志、感情，「想卜講」、「會曉講」，還能「會曉寫」，才是母語教學的重點。
這次參加研習，學了這套通用拼音，我覺得真有路用，因為比以前所學的音標好用、好學，而且對詩詞的學習有很大的幫助，過去有關古詩押韻的問題，無法度用北京語來解說，比如李商隱的「夜雨寄北」：「君問歸期未有期，巴山夜雨漲秋池；何當共翦西窗燭，卻話巴山夜雨時。」
用台語來吟唱時，佇無押韻袂合的情形。比如柳宗元的「江雪」：
「千山鳥飛絕，萬徑人蹤滅；孤舟簑笠翁，獨釣寒江雪。」
用台語吟唱時，佇無入聲字袂合的問題。這對詩詞的吟唱佮學習，實在是很有幫助，如果學生若會使用這套通用拼音，會分辨啥是白話音抑是讀書音，等於是學會了一種通行全世界「帶的走的能力」。以前我對母語的認識有限，以為「台東調」、「花鼓調」、「萬基調」，這些只是歌仔戲的戲曲，袂想到運用在古詩吟唱上，嘛很趣味。
感謝董老師這兩個月來，如此用心的縴成，使阮對母語的認識佮學習，有很大的收穫佮進步！