(修訂稿)我對早期平埔族的了解
陳茹琪/楠仔坑國中
董老師以及在座各位老師逐家午安，逐家好，今日我bhe(h)分享的主題是：我對早期平埔族的了解。這是我第一次用台語來演講，一定有真濟無夠liàn-(輾)轉的所在，希望各位予我一gua-(寡)意見gah-(佮)指教。
咱所講的「平埔族」其實嘛是台灣原住民族群之一。早期di-(佇)西班牙人佮荷蘭人發現台灣的時陣，台灣dorh已經dùa了高山族佮平埔族的原住民。所謂「高山族」dorh是咱一般所講的九族。īn dùa佇台灣各山區，以及東部地區，所以kah-(卡)少佮外界進行交流。當時，佇台灣西部亦攏有各族的原住民，zia-ē(遮個)原住民，dorh通稱做「平埔族」。
漢人稱呼平埔族為「平埔番佮生番」。佇漢人移民到台灣進前，īn dorh已經佇台灣生活四、五千年，到最近三、四百年來受著漢化的影響，真濟傳統的生活方式漸漸消失，平埔人佇外貌、生活佮語言上lu-(愈)來lu無容易佮漢人有所分別，甚至真濟平埔族後裔m知影家己的身份。
有關平埔族群的分類，自清朝以來，dorh有各種無gāng-(仝)的看法。1991年學者李壬癸先生提出分做七族十四支的新看法。雖然目前ia-(猶)未有確定的講法，但大多數的人iū-(猶)原ga īn分做十個大族，ùi(對)北到南分別是：
1、凱達格蘭族 2、葛瑪蘭族
3、道卡斯族 4、巴則海族
5、巴布拉族 6、阿里坤族
7、貓霧族 8、洪雅族
9、西拉雅族 10、馬卡道族
佇咱台南、高雄地區，以西拉雅族為主，分布佇甲仙、內門、田寮、燕巢以佮六龜等地區。
平埔族是一個敬拜靈魂的民族。咱定定聽diorh的「阿立祖」，就是īn的天公(守護神)。阿立祖又稱作「太祖」，有兩種形式，一種是經常顯靈或者是常常創治人，這是部落共有的「阿立祖」，dorh服祀(sai-)佇公廨(gai)內底，另外一種是固守田園m-(毋)肯離開的太祖，通常攏是服祀佇厝內，甚至是車內。比較卡特別的是：īn並無祭拜神像，以及安神位的習慣，攏是以某一項物件做代表，親像：祀壺、豬頭殼或者是向神座等等。
目前，佇咱高雄縣甲仙、小林、內門、阿里關zia-ē所在，擱有平埔族的公廨存在。其中dùa佇小林村的居民是西拉雅的分支大滿族。大滿族固定佇每冬九月十五日暗時來祭拜祖靈。所有的族人攏是頭戴圓仔花環，身穿太祖siong(上)愛的白衫(裳)，由尪姨cua頭，逐家牽手跳舞，以平埔族的語言吟唱牽曲，佇鬧熱擱歡樂的氣氛當中，迎接太祖下凡佮族人同樂。
佇現代社會當中，平埔族文化漸漸消失。高雄縣政府為著bheh推廣本土教育，委託民間學者劉還月先生，佇小林國小成立第一座平埔族文物館，雖然只是佇教室內搭一間公廨佮竹仔厝，卻是真有特色，各位若是有經過zie-ē所在，無妨入去參觀一下，保證予汝有無gang款的感受，佮難忘的回憶。
(原稿)我對早期平埔族的了解
陳茹琪/楠仔坑國中
董老師以及在座各位老師逐家午安，逐家好，今日我bhe 分享的主題是：我對早期平埔族的了解。這是我第一次用台語來演講，一定有真濟無夠輪轉的所在，希望各位予我一些意見甲指教。
咱所講的「平埔族」其實嘛是台灣原住民族群之一。早在西班牙人甲荷蘭人發現台灣的時候，台灣就已經滯滿了高山族以及平埔族原住民。所謂「高山族」就是咱一般所講个九族。尹滯佇台灣各個山岳，以及東部地區，所以卡少甲外界進行交流。當時，佇台灣西部亦攏有各族的原住民，遮兮原住民，就通稱為「平埔族」。
漢人稱呼平埔族為「平埔番」。佇漢人移民到台灣之前，尹就己經佇台灣生活四、五千年，到最近三、四百年來受著漢化个影響，真濟傳統个生活方式漸漸消失，平埔人佇外貌、生活以及語言上越來越無容易甲漢人有所分別，甚至真濟平埔族後裔毋知影家己个身份。
有關平埔族群兮分類，自從清朝以來，就有各種不同个看法。1991年學者李壬癸先生提出分成七族十四支兮新看法。雖然目前亦未有確定兮講法，但大部份兮時候猶原將尹分成十個大族，由北到南分別是：
1、凱達格蘭族 2、葛瑪蘭族
3、道卡斯族 4、巴則海族
5、巴布拉族 6、阿里坤族
7、貓霧族 8、洪雅族
9、西拉雅族 10、馬卡道族
佇咱台南高雄地區，以西拉雅族為主，分布佇甲仙、內門、田寮、燕巢以及六龜等地區。
平埔族是一個敬拜靈魂的民族。咱所常常聽到的「阿立祖」，就是尹的守護神。阿立祖又稱作「太祖」，有兩種形式，一種是經常顯靈或者是常常創治人，這是部落共有兮「阿立祖」，就服祀佇「公廨」之內，另外一種是固守田園毋肯離開兮太祖，通常攏是服祀佇厝內，甚至是汽車內底。比較卡特別的是：尹並無祭拜神像，以及安神位兮習慣，攏是以某一項東西為代表，親像：祀壺、豬頭殼或者是向神座等等。
目前，佇咱高雄縣甲仙、小林、內門、阿里關遮兮所在，擱有平埔族的公廨存在。其中滯佇小林村兮居民是西拉雅的分支大滿族。大滿族固定佇每冬九月十五日暗時來祭拜祖靈。所有的族人攏是頭戴圓仔花環，身穿太祖尚愛的白裳，由
姨帶頭，逐家牽手跳舞，以平埔族的語言吟唱牽曲，佇鬧熱擱歡樂兮氣氛當中，迎接太祖下凡甲族人同樂。
佇現代社會當中，平埔族文化漸漸消失。高雄縣政府為著卜推廣本土教育，委託民間學者劉還月先生，佇小林國小成立第一座平埔族文物館，雖然只是佇教室內搭一間公廨甲竹仔厝，卻是真有特色，各位若是有經過即兮所在，無妨入去參觀一下，保證予汝真難忘。
以上是