(修訂稿)阮的故鄉
劉怡君/五福國中
董老師、各位台語文友志，逐家好！
我今仔日所bheh-(卜)演講的題目是「阮的故鄉」！
di(佇)細漢讀冊的過程中，我常常佇課本內底，看作者藉著(ziòr-diorh-)文字思念伊的故鄉，親像hit(迄)首逐(dak-)家攏知影的「雜詩」：「君自故鄉來，應知（dī）故鄉事，來日綺窗前，寒梅(mŭi)著花未？」，佇hit時陣，雖然歡歡喜喜dùe-(綴)逐家大聲咧唸，m擱佇阮小小年紀的心內中，「故鄉」只(zi-)是一個名詞，並無(bhōr-)lua-ze(偌濟)情感佇內底，若bhāt抑若m-bhāt，普普(po-)仔體會著：有父母的所在，dorh是阮兜(dau)，dorh是阮的故鄉。
若是按爾來講，阮的故鄉著是小港囉！因為阮阿爸和阿母攏是小港人，自阿祖開始，阮的家族dorh佇小港，hit時陣猶(iau)擱是「小港鄉」，聽阿爸、阿母講：小港是一個風景美麗的庄腳所在，佇海邊擱會當掠(liah-)diorh水母咧！不只按爾(an-ne)，佇溪仔裡，擱會當掠diorh土虱仔，另外擱有規(gūi-)大片的甘蔗園，囡仔(ghin-à)常常bhì-(覕)佇甘蔗園內偷食甘蔗，he是阮阿爸、阿母細漢上快樂的囡仔時代！
佇阮細漢仔的時，小港已經變成高雄市一個行政區，是一個大工業區，有第二港口、中鋼、中船、中油、台電，iau有足濟(ze-)足濟我講bhe出來、算bhe清楚的工場，he是外地人提起小港、提起高雄，ho-(予)人的印象，大概dorh是工場足濟，佮一堆咧衝(cìng-)烏煙的煙筒管(gòng)，ia(猶)擱有佇中山路中衝來衝去的貨櫃車。細漢的時，我的心內定定咧想，為sia-mih(啥物)逐家對小港的印象只按爾nia-niā？為什麼印象攏zià-ni無好？hit-ē時陣，對我來講，故鄉iau只是一個名詞，伴著污染(ū-riàm)、交通事故(su-go)，佮心中的討厭(ia)。所以，我一直想bheh離開小港！我完全無法度體會(hue-)「思鄉」是怎樣的心情，到底有sia-mih好思念的？
一直到舊年我通過教師的考試，搬轉來高雄dua(蹛)，雖然m是年歲濟咧思念故鄉，但是回鄉的念頭一直佇阮的腦海中，總算結束六年佇外地的生活！高雄的愛河、高雄的捷運工程、高雄的大遠百、高雄的華納威秀、高雄的城市光廊對我來講，完全gah-(佮)我細漢的印象無gang-(仝)款，那親像是我第一擺來到zit個城市(siān-cī)，高雄的一切攏變loo！一直到車駛到中山路上，才有一種熟似(sāi)的感覺，原來zia嘛是有熟似的人(rīn)情世事，迄時陣，我才漸漸瞭解，「阮的故鄉」是有愛的所在，有父母的愛，有親人的愛，iau-(還)有家己留落來的腳步！我的演講到zia結束，多謝逐家！
(原稿)阮的故鄉
劉怡君/五福國中
董老師、各位台語文先進，逐家好！
我今天所要演講的題目是「阮的故鄉」！
治(di中平)小漢讀冊ㄟ過程中，我常常治課本內底，看著作者藉著（ zieh diet）文字思念著伊的故鄉，親像迄首大家攏知影ㄟ「雜詩」：「君自故鄉來，應知（di）故鄉事，來日綺窗前，寒梅(mui中平)著花未？」，治hit(彼)時陣，雖然歡歡喜喜對逐家大聲咧唸，阿m擱治阮小小年紀的心內中，「故鄉」只(zi)是一咧名詞，無(bhu)多少的情感在內底，懵懵懂懂知道：有父母的地方，就是阮家(dau上平)，就是阮的故鄉。
那是這樣來說，阮的故鄉就是小港囉！因為阮的阿爸和阿母攏是小港人，自阿祖開始，阮的家族ㄉ(de)佇治小港，hit咧時陣還(iau)擱是「小港鄉」，聽阿爸阿母講，小港是迄個風景美麗ㄟ庄腳所在，治海邊擱a當抓得水母咧！毋只按呢(an-nei)，治溪阿裡，擱可以抓得土虱仔，還擱有整(gui)大片的甘蔗田，囝仔常常躲在甘蔗園中偷吃甘蔗，那是阿爸阿母小漢最快樂的時陣！
治阮細漢a時，小港已經變成高雄市a一個行政區，是一個大工業區，有第二港口、中鋼、中船、中油、台電，還有足多足多我說不出來、數不清楚的的工廠，那是對外地人提起小港、提起高雄，ho（給）人a印象，大(dai)概就是工廠足多，佮一堆咧衝(cing)黑煙a煙銅管，壓擱有治咧中山路中衝還衝去a貨櫃車，細漢a時，我a心內常常咧想，為什麼逐家都小港的印象只按呢而已(li yi)nia？為什麼印象攏這呢不好？hit咧時陣，對我來講，故鄉也還只是個名詞，伴著污染(wu liam)、交通事故(su go)，和心中的厭惡感。所以，我一直想著離開小港！我完全無法體會(hui)「思鄉」是怎樣的心情，到底有什麼好思念的呢？
一直到去年阮通過教師a考試，搬轉回高雄佇，雖然也不是年歲多咧思念故鄉，但是回家的念頭一直治阮的腦海中，總算結束六年治外地a生活！高雄的愛河、高雄的捷運工程、高雄的大遠百、高雄ㄟ華那威秀、高雄的城市光廊對我來講，完全甲我細漢a印象不同款，那親像是我第一拜來到迄個城市(cia ci)，高雄的一切攏變嚕！一直到車駛到中山路上，才有一種熟悉的感覺，原來這嘛是有熟悉的人(rin)情世事，迄時陣，我才漸漸瞭解，「阮的故鄉」是有愛的所在，有父母的愛，有親人的愛，還有自己留落下的腳步！
我的演講到此結束，勞謝大家！