(修稿) 阿母交代的話

王柔方/小港國中學員/06/14/2004

聽！啥人deh(leh)講話！又擱是阮阿母咧交代話囉。想起卡早，伊是阮兜(dau)喝(huà-)水會堅凍的人物，逐家詳細gā聽來∼∼

今仔日我bheh-(卜)演講的題目是「阿母交代的話」！

阮阿母是鼓吹喙、gān-lok跤，食鹽kah ze我食米，伊逐工有條有理交代我：「小心m通寒著，愛注意身體健康」、「卡mài開暝車e，m通傷(siōⁿ -)tiàm」、「好好仔讀冊，mài規日拋拋走」…，哇！阮聽gah攏會曉背囉，有足濟(ze-)句，伊講話頭，阮著知話尾。我細漢仔時是畚箕耳，一耳入，一耳出，有時耳空tat破布，有dāng時仔胡蠅(sĭn)戴龍眼殼─kàm頭kàm面，m知好歹，定定(diaⁿ -)ga伊應喙應舌講：「母仔！汝是嘈唸大家(dā-ge)，會出蠻皮新婦喔。」

伊dorh講「好田地不如好子弟」，既(gì-)然跋(buah-)落囝兒坑，飼囝diorh愛無論飯，也著（diorh）箠也著糜。細漢若無雕琢(dōk)，大漢會(e-)做lok kōk。所以伊愛逐工提醒阮。有影，薑辣自細辣，人講「學好三年，學歹(pàiⁿ-)三對時」，自(zu-)我細漢到(gàu-)大漢，伊對阮的要求有kah gŭan，因為小弟、小妹是有樣學樣，伊交代我zit ĕ大姐著愛做好模樣，m通「鱉cua龜落湳(làm)」。亦記得阿母交代：搰(gut-)力食栗(lat)，bīn dūaⁿ吞瀾，叫阮逐天ài拚掃家己的房間。有zit工，唉！雙頭顧無一hiah，ga重要的文件看作bùn圾，真正是目珠花花，瓠仔看做菜瓜，ho 阿母罵gah滿面全豆花，實在有夠衰(sue)。

伊千叮嚀，萬番(hūan-)咐「緊行無好步」，叫我mài擱犯仝(gang-)款ē錯誤，「知足」是伊的話母(口頭語)，伊教阮做人ài知人情義理，「食人一口，報人一斗」，不時ài「為別人」設想 ，有時陣我感覺伊囉唆dùe bhe著(diorh)時代。bhe-dàng體會伊的苦心，養育囝兒m是喝(hūah)著是笑，m是屎著是尿。

我學生時代，成績無lua理想，阿母攬(lam-)著我的肩胛頭輕輕仔講「zit-bàiⁿ考bhài無要緊，以後愛卡用功e^o。」伊講讀冊是艱苦頭，快(kùiⁿ-)活尾，m-tāng日時走拋拋，暝時點燈膋(lă)，m-tāng頭仔興興，尾仔冷冷，愛親像水一路透(tàu)，伊不時ga我支持鼓勵。

zit-mà我已經踏入社會食頭路，三十往後才(ziah-)知天guăn地厚。想起阿母交代的話：「勤儉才有底」、「m-tāng趁liu-lìù食liu-liù」。伊擱講 ：「處處君子，處處小人，佇外口做代誌ài謹慎，m-tāng粗心大意」，俗語講得好：「剉(còr-)甘蔗著看後手」，我將伊的話謹記在心，一世(sì-)人亦bhe去hō bhe記得，隨著年紀的增加，才知阿母的苦心。

我家己看bhe diorh耳，he敢 m是阿母定定(diaⁿ -)咧交代，「一塊(de)紅紅顧gah變大人」，我亦無(bhōr-)發覺家己的缺點，我ziok/zok想bheh講,，「碗箸落水嘛(ma-)會相磕(kap)」，卡早我應喙應舌，母仔！原諒女兒過去的無知！ùi zit-mà開始，我會伶俐擱有志氣，以後我一定會好好仔ga汝教阮的話，傳教予咱的序細囝孫，相信免lua久，汝一定會聽gah笑hāi-hai，聽gah足歡喜e^o。

我的演講到zia結束，多謝逐家！

(原稿) 阿 母 交 代 的 話

王柔方/小港國中學員/06/14/2004

聽！啥人de講話！又擱是阮阿母咧(leh)交代話囉。想起卡早，伊是阮dau huàh水堅凍ē人物，逐家詳細甲聽來∼∼

今日我bheh-(卜)演講的題目是「阿母交代的話」！

阮阿母是鼓吹喙、gān lok跤，食鹽kah zē 我咧(leh)食米，伊逐天有條有段交代我：

「小心無通gŭaⁿ著，愛注意身體健康」、「卡mài開暝車e，無通sioⁿ tiàm」、「好好讀冊，mài歸天趴趴走」......哇！阮聽甲攏會曉背囉，有足濟(ze-)句，伊講話頭，阮著知話尾。我細漢時是畚箕耳，一耳入，一耳出，有時耳腔tat破布，kàm頭kàm面，不知好歹，diaⁿ dīaⁿ 甲伊應喙應舌講：「母啊！你嘈唸dā ge 出蠻皮新婦喔。」

伊講「好田地不如好子弟」，既（gì）然跋落囝兒坑，飼囝dior愛無論飯，也著（diòrh）箠也著縻。對囝細漢那無雕琢（dok），大漢ē做lok kok。所以伊愛逐天提醒阮。有影，薑辣自細辣，人講「學好三年，學歹三對時」，自（zū）我細漢到（gàu）大漢，伊對阮的要求有卡gŭan，因為小弟小妹是有樣學樣，伊交代我zit ĕ大姐著愛做好模樣，無通「鱉cŭa龜落làm」。亦記得阿母交代：骨（gut）力食力，bĭn dūaⁿ吞瀾，叫阮要逐天愛拚掃家己房間。有zit天，唉！雙頭顧無一hiàh，甲重要文件看作bùn圾，真正是目珠花花，瓠瓜看做菜瓜，ho 阿母罵甲滿面全豆花，實在有夠衰（sue）。

伊千叮嚀，萬吩咐「緊行無好步」，叫我mài擱犯仝款ē錯誤，「知足」是伊的口頭語，伊教阮做人要知人情義理，食人一口，報人一斗，不時愛「為別人」 設想 ，有時陣我感覺伊囉唆due未著（diòr）時代。袂凍體會伊的苦心，養育囝兒不是喝（hua），著實笑，不是屎著實尿。

我學生時代，成績偌無理想，阿母làm著我ē肩胛頭輕輕a講「zit bài考歹無要緊，以後愛卡用功e。」伊講讀冊是艱苦頭，快活尾，無通日時走拋拋，暝時點燈lă，無通頭興興，尾冷冷，愛親像水一路透，伊不時甲我支持鼓勵。

zit mà我已經踏入社會食頭路，三十往後則（ziah）知天懸（guăn）地厚。想起阿母交代的話。「有儉才有底」「無通趁liu-lìu食liu-lìu」伊擱講 ：「處處君子，處處小人，佇外靠做代誌要謹慎，無通粗心大意」。親像俗語講得好：「挫（còr）甘蔗著看後手」,我將依的話謹記在心，一世（sì）人亦袂去乎袂記，年久月深，才知伊的苦心。

我家己看不到耳，那不是阿母diaⁿ dīaⁿ 交代，一dè紅紅顧到大人，我亦未發覺家己的缺點，我zok想卜講,，碗箸落水mă會相磕，卡早我應喙應舌，母啊！原諒囝兒過去ē無知！為zit mà開始，我會伶俐有志氣，以後我一定會好好甲你教阮ē話，傳教予你ē囝孫，相信免偌久，你一定會聽甲笑bhūun-bhŭn，聽甲足歡喜e。

我的演講到zia結束，多謝逐家！