(修正稿)有夢上嫷

陳瑩芝/立志中學

董老師、各位在座學員老師，逐(dak-)家好！我今仔日所bheh ga逐家演講的題目是『有夢上嫷』。

人的一生，自細漢到大漢，一定時常咧(deh-)作夢，我今仔日m是bheh講「眠夢」；我bheh講的是「夢想」的「夢」。阿扁仔總統bhat講過「有夢上嫷，希望相隨」，我真合意zit句話，m過，hit時的我並無認真去想過家己(dī)的夢是啥(siaⁿ-)款，gā-nā ga即(zit-)句話kǹg(囥)佇(di-)心內，iū原逐日讀冊、考試、畢業、做老師，看起來一路平順，但是，總感覺欠缺了淡薄仔物件(mih-giāⁿ)。

九禮拜進前，阮學校的教學組長叫我來小港國中參加台語文的研習。我心內想講：ziah-ni遠又gorh ziah-ni久，最後dorh gor考試，ziah-ni硬斗的研習，一定是無人bheh參加，才叫我zit個菜鳥仔來。dorh an-ni食著好膽藥仔，想講來dorh來，結業擱有證書通提(tāng-teh)，總是有一個代價。

別人聽講我來參加zit個台語研習，同事佮朋友攏感覺真意外，liah-zun-(掠準)我是外省的(e)。這bhe-dàng怪in^o，因為我的台語實在是太bhe liàn轉，du上課的時真食力，雖然m是「鴨仔聽雷」，m過嘛是「un-龜-e bè崎─食力」。好佳哉，董老師上課真詳細，講話嘛真趣味，才bhe睏去。

早前，我認為台語俗gorh有力。m過自從上董老師的課了後，我時常佇(di-)課堂上會ga所學的補充予(ho)學生聽，若聽diorh īn用台語罵paiⁿ聽話，我dorh會ga īn講：台語其實是足(ziok-)嫷(sùi)的語言，真濟國語無法度表達的話，台語往往講會到兼做會到，親像古詩詞的吟唱、鬥(dàu-)句等等。中國文學的古雅，用台語做工具來學習，予人感覺更加有韻味。所以，台語絕對m是粗俗的，用台語講paiⁿ聽話，會破壞zit個語言予人的印象。學生聽了後，多數攏會感覺足歹(paiⁿ-)勢，慢慢仔改掉講「paiⁿ聽話」的bai習慣。

來zia參加九禮拜的研習，予我看diorh真濟(ze-)佇台語zit塊園地奉獻的先進，hit種熱情深深來感動著我，看diorh逐家無私的付出，為了理想扑(pà-)拚，一點仔tiàm的感覺都無(bhŏr)，顛倒是滿心的歡喜。一方面我看diorh台灣人感心的一面，另外我也看diorh台語文光明的前景佮未來。

最後，因為我唱的比講的kah好聽，所以我準備了一首歌曲bheh送予董老師，zit首歌叫做『阮若打開心內的門窗』。感謝董老師扑開我心內的門窗，予(ho-)我看diorh台語文美麗的春光。我的演講到zia結束。多謝，lo-lat(努力)。

(原稿)有夢上嫷(sùi) 陳瑩芝/立志中學

陳瑩芝/立志中學

董老師、各位在座的先進，大家好！我今仔日要演講的題目是『有夢尚美』。

人的一生，自小漢到大漢，一定時常作夢，我今仔日不是要講「眠夢」；我要講的是「夢想」的「夢」。阿扁仔總統曾經說過「有夢尚美，希望相隨」，我真合意這句話，不過，彼時的我並無認真去想過自己的夢是什款，只把這句話放在心裡，由原逐日讀冊、考試、畢業、做老師，看起來一路平順，但是，總是欠缺了淡薄仔東西。

　　

九禮拜之前，阮學校的教學組長叫我來小港國中參加台語文的研習。我心想：這麼遠又這麼久，最後還要考試，這麼硬的研習，一定是無人要參加，才叫我這個菜鳥仔來。好吧，來就來，反正擱有證書可拿。

　　

別人聽說我去參加台語研習，攏真意外，大家還以為我是外省人。這不能怪他們，因為我的台語實在是不輪轉，剛上課時真吃力，雖然不是「鴨子聽雷」，不過嘛是「阿婆仔生子」。好佳在董老師上課真詳細，講話嘛真趣味，才不會睡去。

以前，我認為台語俗搁有力。不過自從上了董老師的課之後，我在課堂上會把所學補充給學生聽，若聽到他們用台語罵難聽話，我就會告訴他們台語其實是zio美麗的語言，很多國語做不到的代誌，台語都可以做得到，親像古詩詞的吟唱、逗句等等。中國文學的古雅，用台語做工具來學習，乎人感覺更加有韻味。所以，台語絕對不是俗的，用台語講難聽話，會破壞這個語言乎人的印象。學生聽了以後大部分會感覺壞勢，進而去改進這個壞習慣。

　　

來這裡九個禮拜的研習，讓我看到很多在台語這塊園地奉獻的先進，那種熱情深深地感動著我，看到大家無私的付出，為了理想打拼，一點累的感覺都沒有，反而是滿心的歡喜。一方面我看到台灣人感心的一面，另外我也看到了台語文光明的前景。

　　

最後，因為我唱的比講的好聽，所以我準備了一首歌曲要送給董老師，這首個叫做『阮若打開心內的門窗』。感謝董老師打開我心內的門窗，讓我看見台語文美麗的春光。我的演講到此結束。多謝，勞力。