(修訂稿)讀冊真趣味

　葉坤茂/道明中學

當我伸出pi-pi-cūah(咇咇掣)的手，抽著zit個題目—「讀冊真趣味」，hit時我真正歡喜，因為好講，本身加減也有淡薄仔經驗。

細漢作囡仔(ghin-a-)時，序大人常在講：「ghiah(揭)一枝鉛筆卡重鋤頭，所以到daⁿ (今)，字一直m-bhat(毋捌)我，m是我m-bhat伊，實在有影真痛苦。」「bhe-dàng舉筆作kah(卡)軟輕(kin)的工課(kāng-kue)，只有靠氣(kùi-)力，趁流汗錢。」「細漢m-bhat讀冊是寶，食老才知影是苦」…zia-ē(遮的)話帶ho(予)我真深的感受，dorh是愛讀冊、bhat字才有前途，kah會當過著好日子啦！

讀有、讀會曉是讀冊。e-dàng讀出趣味，不但有成就感而且名利雙收，dorh像宋朝真宗所講：「富家不用買良田，書中自有千鍾粟；安居不用架高堂，書中自有黃金屋；娶親莫恨無良媒，書中自有顏如玉。」咱阿扁總統嘛講「散赤(食)人dorh靠讀冊參加考試kah有出頭天的日子。」這攏是咧講予咱知影讀冊的好處是siaⁿ-mih(啥物)。但是話gorh再講倒轉來，讀bhe曉，讀無冊，he(奚)是愈讀愈慼(cēh)，愈讀愈艱苦。ghiah著筆，看著冊，he dorh(奚著)艱苦罪過(ze-gua)，開始著zia癢hia也癢，zia疼hia也疼，無一位是爽快，無一日是快樂，dak(逐)工攏目頭結結，面仔憂憂，予人看著嘛討厭。

孔子公有講：「知之者不如好知者，好知者不如樂知者。」m管做啥物代誌，只要人全心投入，認真奮鬥去實行，一定會享受diorh無比的快樂。讀冊嘛是gang(仝)款，當作趣味，掠(liah)diorh要領，佇真短的時間內，著學會當悟出真理，了解意思，知影伊是咧講啥物。ūn-nā是佮我仝款嘛會得diorh快樂佮趣味。特別是佇恬(diam-)靜的暗瞑，無任何的吵鬧，坐倚(ua-)佇窗仔邊的讀冊桌仔，掀開冊，心靜落來，diorh會發覺家己的記dĭ(持)特別好，效果特別zàn(讚)，所得diorh e 全是新e^o、bhe曉e^o，m-bhāt-e^o，hit時陣的歡喜佮爽快是無法度用任何的言語(ghiān-ghi)來形容e^o，這叫做「自得其樂(zu-dit-gī-lok)」。

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

(原稿)讀冊真有趣

　葉坤茂/道明中學

當我伸出咇咇掣的手，抽著這個題目—「讀冊真趣味」，那時我真是歡喜，因為好講，本身加減也有淡薄仔經驗。

細漢作囝仔時，序大人常在講：「揭一枝鉛筆卡重鋤頭，所以到今，字一直是毋捌我，不是我毋捌伊，實在有影真痛苦。」「袂凍揭筆作卡軟輕(kin)的工課(kang-kue)，只有靠力氣，趁流汗錢。」「細漢不捌讀冊是寶，食老才知影是苦」…遮的話帶乎我真深的感受，就是愛讀冊，捌字，卡會有前途，卡會凍過著好日子啦!

讀有，讀會曉，是讀冊。會凍讀出趣味，讀出興趣和快樂，不但有成就感而且名利雙收，就像宋朝真宗所講:「富家不用買良田，書中自有千鐘栗，安居不用架高堂，書中自有黃金屋，娶親莫恨無良媒，書中自有顏如玉。」咱阿扁總統嘛講「散食人就靠讀冊參加考試卡有出頭天的日子。」遮弄是咧講乎咱知影讀冊的好處是啥物。但是話gor再講倒轉來，讀袂曉，讀無冊，奚是愈讀愈慼(ce`h)，愈讀愈艱苦。揭著筆，看著冊，奚著艱苦罪過，開始著這養那養，這痛那痛，無一位是爽快，無一日是快樂，天天是目頭結結，面仔憂憂，乎人看著嘛討厭。

孔子公有講：「知之者不如好知者，好知者不如樂知者。」不管做啥物代誌，只要熱衷其中，努力奮鬥去實行，必能享受無比的快樂。讀冊嘛是仝款，當作趣味，抓住要領，佇真短的時間內，著學會曉，悟出真理，了解意思，捌伊是咧講啥物。慍仔是和我仝款嘛得到快樂和趣味。尤其在寧靜的暗瞑，夜蘭人靜，無任何的喧囂，坐倚佇窗邊的讀冊桌，掀開冊，靜下心，將會發覺咱已記憶力特別好，效力特別垣，所得到全是新仔，袂曉仔，毋捌仔，那時陣奚爽快和趣味是無法來形容仔。

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

　　　　　　　　　　　　　　　　　　　　　道明中學　葉坤茂