h.gif (2826 bytes)
h1.gif (1979 bytes)

台灣國風褒歌()

上一頁


  1. 卜食魚臊
  2. 千里路途
  3. 土豆卜食
  4. 小妹佮哥
  5. 天頂落雨
  6. 心肝煩惱
  7. 水錦開花(一)
  8. 水錦開花(二)
  9. 水錦開花(三)
  10. 水錦開花(四)
  1. 玉蘭開花
  2. 含笑過晝
  3. 牡丹開花
  4. 阮厝站佇
  5. 兩人意愛
  6. 門口一叢
  7. 阿君卜轉
  8. 為娘掛吊(一)
  9. 為娘掛吊(三)
  10. 神魂互娘(一)
  1. 神魂互娘(二)
  2. 茶甌摃破
  3. 梅仔好食
  4. 路邊出有
  5. 鼓井有水
  6. 蓮藕拍斷
  7. 燈火無油
  8. 頭殼若眩
  9. 講著汝慘

卜食魚臊 (花鼓調)
卜食魚臊近海墘,    bheh ziah hī cor gin hai gĭⁿ,
卜交娘仔著厝邊,    bheh gāu niō à diorh cù biⁿ,
出出入入通參見,    cut cut rip rip tāng sāⁿ giⁿ,
恰好陰間燒庫錢。    kah hor īm gan siōr kò zĭⁿ.


千里路途 (台東調)
千里路途無嫌遠,    ciān lì lo dŏ bhōr hiām h¤g,
見面親像蜜攪糖,    gìⁿ bhīn cīn cioⁿ bhit giau tňg.
苦唔時鐘行倒轉,    ko m sī zing giāⁿ dòr dǹg,
好話未講天先光。    hor ūe bhue gòng tiⁿ sīng gng.


土豆卜食 (雙雁影調)
土豆卜食粒粒芳,    tō dāu bheh ziah liap liap pang,
迎新棄舊唔是人,    ghīng sin kì gū m si lăng.
向望兄哥相疼痛,    ǹg bhang hiāⁿ gor siōr tiàⁿ tang,
疼痛阮身珠娘人。    tiàⁿ tàng ghun si zū niō lăng.


小妹佮哥 (台東人調)
小妹佮哥跡爾好,    sior mūai gà gor ziah ni hòr,
望卜生囝親像哥,    bhang bhe sēⁿ giàⁿ cīn cioⁿ gor,
檢采哥仔若轉倒,    giam cai gōr à na dng dor,
有時看囝那看哥。    u sĭ kùaⁿ giàⁿ na kùaⁿ gor.


天頂落雨 (台東調)
天頂落雨流目屎,    tīⁿ dìng lorh hō lāu bhak sài,
心腸苦切無人知,    sīm dňg ko cēh bhōr lāng zai,
想卜大山移落海,    sioⁿ bheh dua suaⁿ ī lorh hài,
將伊的厝移過來。    ziong ī ē cu ī gùe lăi.


心肝煩惱 (五更鼓調)
心肝煩惱頭低低,    sīm guaⁿ hūan lòr tău ge gē,
神魂四散滿天飛,    sīn hŭn sì san mua tīⁿ bue,
一時無看嫂遮過,    zit sĭ bhōr kùaⁿ sòr zia gue,
兄哥煩惱袂讀冊。    hiāⁿ gor hūan lòr bhe tak cēh.


水錦開花() (六月茉莉調)
水錦開花白蔥蔥,    zui ghìm kūi hue beh cāng cang,
哥仔生水真害人,    gōr à sēⁿ sùi zīn hai lăng,
一年梟千佮梟萬,    zit nĭ hiāu cian gà hiāu bhān,
採了花心過別叢。    cai liàu hūe sim gùe bat zăng.


水錦開花() (六月茉莉調)
水錦開花白猜猜,    zui ghìm kūi hue beh cāi cai,
樹莓開花無人知,    ciu L kūi hue bhōr lāng zai,
娘仔未大想卜歹,    niō à bhue dūa sioⁿ bheh pàiⁿ,
起風落雨汝就知。    ki hong lorh hō lì ziu zai.


水錦開花() (六月茉莉調)
水錦開花白猜猜,    zui ghìm kūi hue beh cāi cai,
風吹菅尾倒規排,    hong cue gūaⁿ bhùe dor gūi băi,
咱嫂佮哥真意愛,    lan sòr gà gor zīn ì ai,
阮厝父母全唔知。    ghun cu be bhù zūan m zai.


水錦開花() (雙雁影調)
水錦開花白波波,    zui ghìm kūi hue beh pōr por,
八仙過海藍采和,    bat sian gùe hài nā cai hŏr,
真名正姓共哥報,    zīn mĭa ziàⁿ seⁿ ga gor bor,
免得互哥去揣無。    bian dit ho gor ki cue bhŏr.


玉蘭開花 (搭車調)
玉蘭開花芳透天,    ghiok lăn kūi hue pāng tàu tiⁿ,
挽入房間芳規暝,    bhan rip bāng ging pāng gūi mĭ,
將花提入蠓罩內,    ziōng hue teh rip bhang dà lāi,
半暝芳到枕頭邊。    bùaⁿ mĭ pāng gàu zim tāu biⁿ.


含笑過晝 (浪子走天涯調)
含笑過晝芳芎蕉,    hām siau gùe dau pāng gīn zior,
手倌菜籃挽茶葉,    ciù guaⁿ cài nă bhan dē hiorh,
驚父驚母唔敢叫,    giāⁿ bē giāⁿ bhòr m gaⁿ gior,
假意呼雞喝獵鶚。    ge i kō ge hùa lai hiorh.


牡丹開花 (五更鼓調)
牡丹開花笑微微,    bho dan kūi hue ciòr bhī bhĭ,
娘仔生水真標緻,    niō à sēⁿ sùi zīn piāu di,
害我冥日病相思,    hai ghua mē rit beⁿ siūⁿ si,
想卜佮娘結連理。    sioⁿ bheh gà niŏ giat liān lì.


阮厝站佇  (搭車調)
阮厝坫佇娘厝後,    ghun cu diàm di niŏ cù āu,
不時看娘咧探頭,    but sĭ kùaⁿ niŏ le tàm tău,
情意總有九分九,    zīng i zong u gau hūn gàu,
路邊相撞頭勾勾。    lo biⁿ siōr d¤g tău gāu gau.


兩人意愛 (南光調)
兩人意愛在心內,    lng lăng ì ai zai sīm lāi,
咱哥在東妹在西,    lān gor zai dang mūe zai sai,
兄娘若無嫌我歹,    hiāⁿ niŏ na bhōr hiām ghua pàiⁿ,
做蠅做蠓都飛來。    zòr sĭn zòr bhàng dōr bue laiº.


門口一叢 (浪子走天涯調)
門口一叢相思叢,    bh¤g kàu zit zāng siōⁿ sī zăng,
相思病落唔知人,    siōⁿ si beⁿ lorh m zāi lăng,
先生來看講無望,    siān siⁿ lāi kuaⁿ gong bhōr bhāng,
搭心來看好咚咚。    dà sim lāi kuaⁿ hor dāng dang.


阿君卜轉 (浪子走天涯調)
阿君卜轉阮卜留,    ā gun bheh dǹg ghun bheh lău,
留君神魂用紙包,    lāu gun sīn hŭn iong zùa bau,
等君去後提來敨,    dan gun kì āu teh lāi tàu,
日日看君佇阮兜。    rit rit kùaⁿ gun di ghun dau.


為娘掛吊() (南光調)
為娘掛吊烏礁瘦,    ui niŏ gùa diau ō dā sàn,
褲帶燒灰做爐丹,    kò dua siōr hu zòr lō dan,
褲帶燒灰食會好,    kò dua siōr hu ziah e hòr,
先生趁水食都無。    siān siⁿ tàn zùi ziah dōr bhōr.


為娘掛吊() (南光調)
為娘掛吊心肝亂,    ui niŏ gùa diau sīm guaⁿ lūan,
跡久穡路無來觀,    ziah gù sit lō bhōr lāi guan,
先生來看百樣款,    siān siⁿ lāi kuaⁿ bà iong kùan,
無見親娘唔照原。    bhōr gìⁿ cīn niŏ m ziàu ghŭan.


神魂互娘() (人道調)
神魂互娘迷落甕,    sīn hŭn ho niŏ bhē lorh ang,
點火甕內揣無空,    diam hùe àng lāi cue bhōr kang,
啥人好心共我放,    siaⁿ lăng hor sim ga ghua bang,
佮伊相好一世人。    gà ī siōng hòr zit sì lăng.


神魂互娘() (人道調)
神魂互娘迷落櫃,    sīn hŭn ho niŏ bhē lorh gūi,
坫佇櫃底開袂開,    diàm di gui dè kūi bhe kui,
著愛共娘講好喙,    diorh ài ga niŏ gong hor cui,
叫伊鎖匙舉來開。    giòr ī sor sĭ giah lāi kui.


茶甌摃破 (夜夜為你來失眠調)
茶甌摃破唔成瓷,    dē au gòng pua m ziāⁿ hŭi,
少年無妻上克虧,    siàu liăn bhōr ce siong kik kui,
兄哥坐落喘大氣,    hiāⁿ gor ze lorh cuan dua kui,
好魚好肉食袂肥。    hor hĭ hor bhāh ziah bhe bŭi.


梅仔好食 (夜夜為你來失眠調)
梅仔好食酸勿勿,    mūai à hor ziah s¤g bhut bhūt,
楊桃好食交懍恂,    iōⁿ dŏr hor ziah gā lun sùn,
若無佮哥共床困,    na bhōr gà gor gang c¤g kun,
因何褲帶短三寸。    īn hŏr kò dua de sāⁿ cun.


路邊出有 (花鼓調)
路邊出有相思草,    lo biⁿ cut u siōⁿ sī càu,
阿君卜用則來媷,    ā gun bheh īng ziah lāi kau,
媷去泡茶淋落喉,    kāu kì pàu dĕ līm lorh ău,
若好隨時來娘兜。    na hòr sūi sĭ lāi niŏ dau.


鼓井有水 (台東人調)
鼓井有水清又深,    go zèⁿ u zùi cing iu cim,
落落紅柑半浮沈,    lak lorh āng gam bùaⁿ pū dĭm,
若是卜沈沈落去,    na si bheh dĭm dĭm lorhº kiº,
勿佫浮起動人心。    mài gor pū kì dang lāng sim.


蓮藕拍斷 (運河殉情曲調)
蓮藕拍斷會牽絲,    liān ngāu pà d¤g e kān si,
菜瓜辿藤密密纏,    cài gue sūan dĭn bhat bhat dĭⁿ,
中意入心難分離,    dìng i rip sim lān hūn lĭ,
相好唔是一半年。    siōng hòr m si zit bùaⁿ nĭ.


燈火無油 (五更鼓調)
燈火無油捷捷趒,    dīng hùe bhōr iŭ ziap ziap diŏr,
跤尾無人困袂燒,    kā bhùe bhōr lăng kùn bhe sior,
來到娘兜互娘笑,    lāi gàu niŏ dau ho niŏ cior,
無錢用計想甲著!    bhōr zĭⁿ iong ge sioⁿ gah diorh.


頭殼若眩 (運河殉情曲調)
頭殼若眩搏搏彈,    tāu kāk na hĭn pok pok dūaⁿ,
腹肚若疼迵心肝,    bak dò na tiaⁿ tàng sīm guaⁿ,
若無搭心通來看,    na bhōr dà sim tāng lāi kuaⁿ,
醫生免叫藥免煎。    ī sing bhian gior iorh bhian zuaⁿ.


講著汝慘 (運河殉情曲調)
講著汝慘我也慘,    gong diorh li càm ghua ia càm,
雙人相招來跳潭,    siāng lăng siōr zior lāi tiàu tăm,
妹來跳深哥跳淺,    mūai lăi tiàu cim gor tiàu ciàn,
卜留親哥傳香煙。    bheh lāu cīn gor tūan hiōⁿ ian.