|
 一日煩惱 ( 調)
一日煩惱日落申， zit rit hūan
lòr rit lorh sin,
一暝想甲雞報寅。 zit mĕ sioⁿ gah ge bòr ĭn.
一日無見咱娘面， zit rit bhōr gìⁿ lang niŏ bhīn,
卡慘細囝斷了奶。 kah càm sè giàⁿ dng
liau lin.
一尾好魚 ( 調)
一尾好魚唔食釣， zit bhue hor hĭ m ziah
dior,
走到江中尾直搖。 zau gàu gāng diong bhùe dīt iŏr.
掠汝袂著互汝笑， lia li bhue diorh ho
li cior,
堅心做網拋甲著。 giān
sim zòr bhāng pah gah diorh.
一桌四碟 (夜夜為你失眠調)
一桌四碟企四方， zit
dōrh sì dih kia sì hng,
中央一碗腰子湯。 diōng ng zit uaⁿ iōr zi tng.
並無咱哥通來耍， bing bhōr lan gor tāng lāi sǹg,
咱嫂那食心那酸。 lan
sòr na ziah sim na sng.
一暝袂睏 (台東人調)
一暝袂睏半撐倒， zit mĕ bhe kun bùaⁿ tē dòr,
神魂一半去揣哥。 sīn
hŭn zit buaⁿ ki cue
gor.
有人講我佮哥好， u lāng gong ghua gà gor hòr,
心肝現有喙諍無。 sīm guaⁿ hian ū cui zèⁿ bhŏr.
人兮阿哥 (台東調)
人兮阿哥咧開店， lāng ē ā gor le kūi diam,
阮兮阿哥咧賣鹽。 ghun ē ā gor le bhe
iăm.
一擺提錢一擺唸， zit baiⁿ teh
zĭⁿ zit baiⁿ liām,
鹽館兮錢有卡鹹。 iām gùan ē zĭⁿ u
kah giăm.
千里路途 (五更鼓調)
千里路途無嫌遠， cēn lì lo dŏ bhōr hiām h¤g,
見面親像蜜攪糖。 gìⁿ bhīn cīn cioⁿ
bhit giau tňg.
苦唔時鐘行倒轉， ko m sī zing giāⁿ dòr dǹg,
好話未講天先光。 hor ūe bhue
gòng tiⁿ sīng gng.
六月棉被 (五更鼓調)
六月棉被收去匟， lak gueh
mī pūe siū ki kng,
相好阿君佇外庄。 siōng hòr ā gun dih
ghua zng.
今暗袂得君仔轉， gīm am bhe
dit gun a dǹg,
夭壽五更哪跡長！ iau siū gho
geⁿ na ziah dňg.
天頂落雨 (五更鼓調)
天頂落雨流目屎， tīⁿ dìng lorh
hō lāu bhak sài,
心腸苦慼無人知。 sīm dňg ko cēh bhōr
lāng zai.
想卜大山移落海， sioⁿ bheh dua
suaⁿ ī lorh hài,
將伊兮厝移過來。 ziong ī ē cu
ī gùe lăi.
半暝月娘 ( 調)
半暝月娘入紗窗， bùaⁿ mĕ ghueh
niŏ rip sē tang,
偏偏照我守空房。 piān
pian ziòr ghua ziu kāng băng.
關窗將月緊緊送， gūaiⁿ tang ziong
ghueh gīn gīn sang ,
送去隔壁照別人。 sàng ki gè biāh ziòr bat lăng.
玉蘭開花 (六月茉莉調)
玉蘭開花芳透天， ghiok lăn kūi
hue pāng tàu tiⁿ ,
挽入房間芳歸暝。 bhan rip bāng
ging pāng gūi mĭ .
將花提入蠓罩內， ziong hue teh
rip bhang dà lāi ,
半暝芳到枕頭邊。 bùaⁿ mĭ pāng gàu zim
tāu biⁿ.
地下透風 (六月茉莉調)
地下透風起土粉， de
ē tàu hong ki tō hùn ,
天頂落雨起風雲。 tīⁿ dìng lorh hō ki hōng hŭn .
為娘掛吊心肝悶， ui niŏ gùa diau sīm guaⁿ
bhūn ,
糜飯袂食泔袂吞。 mūe b¤g bhe ziah àm bhe
tun.
竹筍離土 (台東人調)
竹筍離土目目柯， dik sùn li tŏ bhak bhak gua
,
土豆開花釘落沙。 tō dāu kūi
hue dìng lorh sua .
身邊無娘通倚帶， sīn biⁿ
bhōr niŏ tāng ua dua ,
一心想死卡快活。 it sim sioⁿ sì kah kùiⁿ uah.
含笑拍莓 (流浪走天涯調)
含笑拍莓大細蕊， hām ciau
pà 𡧛 dua sè lùi ,
鴨母落田雙跤開。 à bhòr lorh
căn siāng ka kui.
我娘生緣免生水， ghua niŏ sēⁿ iăn bhian sēⁿ sùi ,
八字有合拆袂開。 bè rī u
hah tià bhe kui.
含笑過晝 ( 調)
含笑過晝芳芎蕉， hām siau
gùe dau pāng gīn zior ,
手倌菜藍挽茶葉。 ciù guaⁿ cài nă bhan dē hiorh .
驚父驚母唔敢叫， giāⁿ bē giāⁿ bhòr m gaⁿ gior ,
假意呼雞喝獵鶚。 ge i kō ge hùa lai hiorh.
阮厝站佇 (流浪走天涯調)
阮厝坫佇娘厝後， ghun cu diàm di niŏ cù āu ,
不時看娘咧探頭。 but sĭ kùaⁿ niŏ le tàm tău .
情意總有九分九， zīng i zong u gau hūn gàu ,
路邊相撞頭勾勾。 lo
biⁿ siōr d¤g tău gāu gau.
門口一叢 (歌仔戲調)
門口一叢相思叢， m¤g kàu zit zāng siōⁿ sī zăng,
相思病落唔知人。 siōⁿ si beⁿ lorh m zāi lăng.
先生來看講無望， siān siⁿ lāi kuaⁿ gong bhōr bhāng,
搭心來看好咚咚。 dà sim lāi kuaⁿ hor dāng dang.
佮君約佇 ( 調)
佮君約佇後壁溝， gà gun iok di au bià gau,
菅尾拍結做號頭， gūaⁿ bhùe pà gāt zòr hor tău.
夭壽啥人共阮敨， iau siū siaⁿ lăng ga ghun tàu,
拍歹姻緣是無爻。 pà paiⁿ īn iăn si bhōr ghău.
阿君卜轉 ( 調)
阿君卜轉阮卜留， ā gun bhe
dǹg ghun bhe lău ,
留君神魂用紙包。 lāu gun
sīn hŭn iong zùa bau .
等君去後提來敨， dan gun ki āu teh lāi tàu,
日日看君佇阮兜。 rit rit kùaⁿ gun di ghun dau.
阿娘洗衫 ( 調)
阿娘洗衫佇圳溝， ā niŏ se saⁿ di zùn gau,
目屎流落水裡跑。 bhak sài lāu lorh zùi linº pàu.
人人笑我赫愛吼， lāng lăng ciòr ghua hiah ài hàu,
佮君離開失對頭。 gà gun li
kui sit dùi tău.
房間無伴 (歌仔戲調)
房間無伴暗沈沈， bāng ging
bhōr pūaⁿ àm dīm dĭm ,
親像山內聽鳥音。 cīn cioⁿ sūaⁿ lāi tiāⁿ ziau im .
倒落眠床目金金， dor lorh bhīn cňg bhak gīm gim ,
心肝宛然彈月琴。 sīm guaⁿ uan riăn dūaⁿ ghueh kĭm.
為娘掛吊 (三聲無奈調)
為娘掛吊桃花痟， ui
niŏ
gùa diau tōr hūe siàu ,
倒落床中直條條。 dor lorh
c¤g
diong dit liāu liău .
朋友若來真見笑， bīng iù na lăi zīn giàn siau ,
起來無枴企袂椆。 kì laiº
bhōr gùaiⁿ kia bhe diău.
為娘掛吊 (三聲無奈調)
為娘掛吊哀哀苦， ui niŏ gùa diau āi āi kò,
舉起好筆畫形圖。 giah ki hor bīt ue hīng dŏ.
形圖畫來用紙包， hīng dŏ ue lăi iong
zùa bau,
匟佇親兄眠床頭。 kǹg di cīn hiaⁿ bhīn c¤g tău.
娘心親像 ( 調)
娘心親像月光暝， niō sim
cīn cioⁿ ghueh g¤g mĭ ,
君心親像烏暗天。 gūn sim
cīn cioⁿ ō àm tiⁿ .
娘用真心對待汝， niŏ iong zīn sim dùi tai
lì ,
君像蜘蛛吐毒絲。 gun cioⁿ dī du tò dok si .
鼓井有水 ( 調)
鼓井有水清又深， go zèⁿ u zùi cing iu cim ,
落落紅柑半浮沈。 lak lorh āng gam bùaⁿ pū dĭm .
若是卜沈沈落去， na si bhe dĭm dĭm lorhº kiº ,
勿閣浮起動人心。 mài gor pū kì dang lāng sim.
楊桃開花 (夜夜為你失眠調)
楊桃開花仙山有， iōⁿ dŏr kūi hue siān suaⁿ ū,
番船過海半沈浮。 hūan zŭn gùe hài bùaⁿ dīm pŭ .
唔知娘厝佇何處？ m zāi niō cu di hōr cu,
卡慘互娘迷著符。 kah càm ho niŏ bhē diorh hŭ.
福州鉸刀 (台東調)
福州鉸刀假有眼， hok ziu gā dor ge u ghàn ,
無錢阿哥真寒酸。 bhōr zĭⁿ ā gor zīn hān suan .
一擺提錢一擺緩， zit baiⁿ teh zĭⁿ zit baiⁿ ān
,
緩卜鐵樹開牡丹。 an bhe tì ciū kūi bho dan.
蓮藕拍斷 ( 調)
蓮藕拍斷會牽絲， liān ngāu pà d¤g e kān si ,
菜瓜辿藤密密纏。 cài gue sūan dĭn bhat bhat dĭⁿ.
中意入心難分離， dìng i rip sim lān hūn lī,
相好唔是一半年。 siōng hòr m
si zit bùaⁿ nĭ.
龍眼好食 (台東人調)
龍眼好食核烏烏， ghīng ghìng hor ziah hut ō o,
荔枝好食皮粗粗。 nai
zi hor ziah pŭe cō co .
為娘掛吊大艱苦， ui niŏ gùa diau dua
gān kò ,
卡慘獅陣淪刀箍。 kah cam sāi dīn lǹg dōr ko .
|
